Македонија

Уапсен најмоќниот битолски бизнисмен – се сомничи за местење милионски тендери во времето на СДСМ

Финансиската полиција го сомничи Марковски за местење тендер од околу 100 милиони денари или 1,6 милиони е вра од државниот буџет

Неофицијално се дознава дека е уапсен Борче Марковски, сопственик на „Марковски Компани ДООЕЛ“ од Битола, компанија која повеќе од две децении е активна во градежниот сектор, но стана најпозната по своите милионски договори со РЕК Битола, најголемиот енергетски капацитет во државата. Марковски во јавноста е познат и како почесен конзул на Белорусија во Македонија.

Неофицијално, Финансиската полиција го сомничи Марковски за местење тендер од околу 100 милиони денари или 1,6 милиони е вра од државниот буџет.

„Марковски компани“ беше една од мајомилените на минатата влада. Соевремено, на прес-конференција беше објавено дека омилената фирма на власта ќе заработува 63.000 евра дневно, со само 10 булдожери во РЕК Битола.

Власта на СДСМ и на ДУИ ангажирала приватни булдужери, кои граѓаните ќе ги чинат над 16.000 денари за само еден час работа. Спорниот договор чини неверојатни 16.253 денари по час и значи дека „Марковски компани“ за само еден ден од РЕК Битола ќе наплаќа 6.300 евра за еден булдожер.

Се шпекулира Марковски за две години имаат заработено 200 милиони евра од државата.

Според Централниот регистар, „Марковски Компани“ е основана во 2002 година, со седиште во Битола и дејност насочена кон нискоградба, земјени работи, изградба на патишта и ископи. Компанијата располага со возен и машински парк и има повеќе од 300 вработени. Во последните години бележи значителен раст на приходите — во 2024 година тие достигнале речиси 2,8 милијарди денари, што ја вбројува меѓу најголемите градежни фирми во регионот.

Најголемиот бизнис-исчекор на „Марковски Компани“ дојде со склучувањето на договори со РЕК Битола, дел од државната компанија Електрани на Северна Македонија (ЕСМ). Станува збор за договори за ископ на јаглен и јаловина, како и за одржување и механизација во рудничките постројки. Еден од најголемите тендери, објавен во 2023 година, вредеше околу 46 милиони евра, што беше рекорден износ во историјата на овој комбинат.

Но, токму овие договори предизвикаа и серија контроверзии и реакции. Дел од опозициските партии и медиуми обвинија дека тендерската постапка не била транспарентна и дека условите биле поставени така што „Марковски Компани“ имала предност пред другите понудувачи. Од РЕК Битола тогаш тврдеа дека изборот бил направен „во согласност со законите и заради непречено производство на електрична енергија“, а подоцна — поради неисполнување на обврските — дел од соработката со „Марковски Компани“ беше прекината. Според објаснувањето на РЕК, фирмата не ги извршувала ископите со предвиденото темпо, што можело да предизвика сериозни застои во производството на јаглен.

Случајот предизвика реакција и во јавноста, особено откако беше откриено дека компанијата започнала со релативно мал основен капитал од само неколку илјади евра, а за кратко време стигнала до десетици милиони евра годишен обрт преку државни договори. Некои медиуми го нарекоа ова „симбол на клиентелизмот меѓу политиката и енергетиката“.

Најнови вести од: Македонија

Секој збор може да е казнет – од полноќ почнува изборниот молк за вториот круг

Вечерва на полноќ почнува изборниот молк за политичката кампања за Локалните избори 2025. Молкот, кој почнува вечерва во 0:01 часот, ќе трае до 19:00 часот на 2 ноември, односно денот на изборите во моментот на затворање на гласачките места. За време на молкот медиумите смеат да известуваат за изборите, како и за текот на гласањето, но смеат да објавуваат предизборно рекламирање на кандидатите и нивните партии.

Сиљановска-Давкова: Во мировните преговори со само 7% учество лани жените имаат симболична улога

Родовата еднаквост и зајакнувањето на жените се предуслов за превенција и решавање на конфликтите. Потребно е почитување на основните вредности и принципи преку кои ќе се покаже дека родовата еднаквост не е феминистичка привилегија туку хуманистички императив. Ова беа дел од пораките кои беа испратени на одбележувањето на 25-годишнината од усвојување на Резолуцијата 1325 на Обединетите нации – Жени, мир и безбедност”.

Мециновиќ пред изборникот молк: Од недела повеќе ништо нема да биде исто

Говорејќи за кампањата, Мециновиќ обвини дека на овие избори се случил, како што рече, преседан односно дека јавно бил обелоденет неговиот матичен број, што е кривично дело за кое, како што наведе, правниот тим на Левица веќе се подготвува од понеделник да поднесе тужби и кривични пријави.

To top