Министерството за внатрешни работи информира дека во Тетово биле уапсени 30 странски државјани поради злоупотреба на туристички престој при серија контроли во неколку угостителски објекти.
„Полициски службеници од Полициската станица Тетово, во соработка со Националната единица за сузбивање на криумчарење мигранти и трговија со луѓе во Скопјe, извршија претрес во хотел во село Желино, Тетово, сопственост на Ј.Ф. (48) од Желиноа, и во хотел во Тетово, сопственост на И.А. (22) од Тетово.
При претресот беа пронајдени 30 жени од Русија, Бразил, Србија, Албанија, Аргентина и Колумбија, бидејќи кај нив беше утврдено дека го злоупотребиле туристичкиот престој, односно престојувале спротивно на нивната намена“, се наведува во соопштението.
Контролата била извршеа во доцните вечерни часови на 9 ти август.
Претреси беа извршени и во Скопјe, а изречени беа и казни на неколку хотелски објекти, главно поради гласна бучава.