Бадниковата поворка и годинава ме посети, носејќи радост и светлина.
Најискрените гласници на верата и мирот – децата, пеејќи за вечниот Бог и Божјата љубов, го најавија Христовото раѓање, објави претседателката Гордана Сиљановска-Давкова.
,,Во духот на празникот, ги дарував со Бадникови пакетчиња, а тие, небаре славејски хор, со озарени лица и блескави насмевки ја поттикаа мојата надеж за подобро утре.
Со срца полни со љубов, си посакавме среќен Божиќ и си ветивме дека и понатаму ќе ја чуваме и негуваме вековната традиција”, откри Сиљановска за средбата со коледарчињата.
