Македонија

(Видео): Филипче призна: СДСМ имаше разочарувања и турбуленции

Нека слушнат добро во Белата палата и во Владата, мислеа дека сме на колена, зборуваа дека сме готови. Штотуку почнавме, СДСМ се разбуди, а кога СДСМ е буден, тираните не спијат мирно, рече Филипче во воведното обраќање на партискиот Конгрес.

2 минути за читање

Претседателот на СДСМ, Венко Филипче на денешниот 31. Конгрес на СДСМ испрати порака дека на Македонија ѝ треба визија, програма и засолниште од како што изјави „лудилото на оваа власт.“

  • „Денеска јасно кажав дека власта ги штити профитерите, а не граѓаните. Задолжувањето што го прави ВМРО-ДПМНЕ не е грешка, туку финансиско злосторство врз иднината на нашите деца. Денеска државата доживува осмислен и не вооружен грабеж во форма на финансиско злосторство, пари кои се прелеваат во џебовите на олигархијата додека граѓаните ќе ја плаќаат сметката преку инфлацијата која им го јаде лебот. И порачав дека за да го победиме ова зло надвор мора да бидеме челични внатре. СДСМ имаше турбуленции, имаше разочарување и затоа денеска бев кристално јасен дека вратите на СДСМ се ширум отворени за секој чесен социјалдемократ, за секој работник, за секој интелектуалец кој и мисли добро на државата,“ вели Филипче.

Тој додаде дека платформата и програмата на партијата е договор со секој граѓанин.

  • „За младите држава како дигитален центар, а не извозник на евтина работна сила. За пензионерите крај на милостината пред избори и раст на пензиите според инфлацијата. За работниците СДСМ ќе биде штит од самоволието на газдите што оваа власт ги штити. Предупредив и на сериозните безбедносни ризици. Не смееме да дозволиме Македонија да стане тампон-зона и логор за туѓи проблеми, додека нашите деца заминуваат од државата. Македонија денес е во дипломатска изолација,“ порача Филипче од Конгресот.

Поврзани теми:

промени|Палас|челници|актуелно|Филипче|СДСМ|партија|Конгрес|политика

Повеќе на оваа тема:

Најнови вести од: Македонија

Минатата седмица „Безбеден град“ снимил 4490 прекршоци, од кои за брзо возење биле 4297

Од 9.2.2026 до 15.2.2026 системот „Безбеден град“ на подрачјата на градовите и коридорите каде се поставени камери, регистрирал вкупно 4.490 прекршоци, што е за 10% помалку во споредба со првата седмица во февруари кога биле регистрирани 4.991 прекршок, соопшти Министерството за внатрешни работи.

ВМРО ДПМНЕ: СДС, насочена кон пропаст, направи катастрофални грешки и штети во образованието, го решаваме и овој проблем

Наместо кон напредок СДС е партија, насочена кон пропаст. Меѓу низата направени катастрофални штети на државата, е и Законот за високо образование. Го донесоа во 2018 година, предизвикаа драстично намалување на квалитетот на високото образование во Македонија и го избришаа единствениот македонски универзитет од пошироката Шангајска ранг листа. Промени се потребни, тоа е општата констатација на целата научна и академска фела во државата. Тим од над 60 академски професори, експерти и претставници на институции, органи и на студентите, изработија предлог законско решение, за кое во тек е јавна дебата. Ниту е конечно, ниту насилно ќе се истурка, како што СДС милува да паничи во јавноста, соопшти ВМРО ДПМНЕ.

КИЧЕВО: Како последица на поплавите евакуирани и згрижени се 250 лица во Кичево, од кои 61 дете, најмалото има еден месец

Црвениот крст информира дека нивните волонтери продолжуваат да бидат на терен и активно обезбедуваат помош и поддршка за загрозените од поплавите низ државата. Распределуваат хуманитарна помош, вклучувајќи сместување, храна, вода, топли оброци, душеци, ќебиња и основни хигиенски средства со цел да им помогнат на семејствата кои се соочуваат со тешки последици од временските непогоди.

С.Т.(25) од Нерав загина на автопатот Куманово-Крива Паланка, откако „голфот“ му удрил во куче, па и во „бмв“ на спротивната лента – тројца се тешко повредени

Од СВР Куманово информираат дека патничко возило „фолксваген голф“ со кривопаланечки регистарски ознаки, управувано од С.Т.(25) од с.Нерав, кривопаланечко, удрило во куче скитник по што преминало во спротивна сообраќајна лента и дошло до директен судир со патничко возило „бмв“ со кривопаланечки ознаки, управувано од Ф.Ј.(27) од с.Длабочица, кривопаланечко. С.Т. го загуби животот, а три лица се тешко повредени во оваа сообраќајна несреќа, која се случила вчера околу 19 часот на магистралниот пат Куманово-Крива Паланка, во месноста „Смилчинци“ во општина Старо Нагоричане.
Сите вести од Македонија

Најнови вести

To top