Македонија

(Видео): Мицкоски доцна ги прифаќа мерките на СДСМ – граѓаните ја платија цената, рече Филипче

Претседателот на СДСМ, Венко Филипче, на прес-конференција порача дека со денешната најава на премиерот Мицкоски за намалување на акцизата, владата призна дека СДСМ бил во право, но предоцна се реагира.

2 минути за читање

Венко Филипче ја критикуваше Владата и премиерот Христијан Мицкоски за бавната имплементација на економските мерки кои би ја олесниле финансиската состојба на граѓаните. Според него, мерките кои неговиот тим ги предложил порано, допрва ќе се разгледуваат, а граѓаните веќе ја почувствувале ценовната спирала предизвикана од растот на цените на горивата и основните продукти.

Филипче истакна дека од 27 февруари цените на нафтата Brent Crude и WTI се зголемиле за 50,72% и 63,67%, додека дизелот во земјата поскапел за 34,5%, од 71 на 95,5 денари. Тој предупреди на драстичен пораст на цените на храната: бел леб од 34 на 47,5 денари, зејтин од 77,5 на 110, јајца од 220 на 290, брашно од 40 на 52,5, млеко од 67,5 на 82,5 денари, домати од 130 на 235 денари и домашни јаболка од 45 на 70 денари.

Тој оцени дека минималното зголемување на платата од 1.667 денари не е доволно за да го ублажи ударот врз потрошувачката кошничка, која изнесува околу 68.000 денари. Исто така предупреди дека кризата ќе продолжи, со раст на цените на храната и можен недостаток на горива, повикувајќи ја Владата итно да ги прифати предложените мерки, како намалување на ДДВ-то за храна и гориво, преполовување на патарините и зголемување на државните резерви на нафта.

Филипче оцени дека сегашното владеење е дилетантско и дека Владата треба да се посвети на реалните потреби на граѓаните, наместо на партиски тендери.

Поврзани теми:

актуелно|Филипче|Мицкоски|инфлација|мерки

Повеќе на оваа тема:

Најнови вести од: Македонија

Ристески: Има голем интерес за Законот за работно ангажирање, најмногу од угостителството каде сега недостига кадар

Има голем интерес за Законот за работно ангажирање, а Министерството за економија и труд ги продолжува информативните средби низ сите региони да се објаснат предностите на Законот, вели заменик министерот за економија и труд Марјан Ристески

Манасиевски: СДС ги распродадоа македонските национални интереси, а сега и Филипче е подготвен за уставни измени веднаш без услови и гаранции!

„Од СДС постојано се претставуваат како проевропски, затоа што веројатно тоа им е единствен аргумент,кој го имаат откако додека беа на власт ги распродадоа македонските национални интереси. Овој нивни аргумент не е поткрепен со нивното однесување во јавноста. Филипче се однесува како да го знае само тој патот кон ЕУ, а неговата шема не познава никакви црвени линии.“ – нагласи Валентин Манасиевски, пренесувајќи ја реакцијата на ВМРО ДПМНЕ.

МИА: Основниот кривичен и Апелацискиот суд во Скопје ги изиграа 15-те осудени на 200 години затвор за „27 април““, сепак можеа да го повторат судењето!

Јане Ченто во понеделникот поднесе кривична пријава против поранешната обвинителка Вилма Русковска, тврдејќи дека таа сторила кривично дело во текот на постапката за случајот „27 април“, за да изнуди лажно сведочење на сведок во процесот, поради што 15 лица беа осудени за тероризам и добија вкупна казна од над 200 години затвор.
Поводот за ваквиот потег е последната одлука на Апелација од 2 април, со која се одбива барањето на осудените и оштетените од процесот „27 април“ за повторување на постапката во нивна корист. – пишува во анализата на Македонската информативна агенција – МИА во својата редакциска анализа со наслов „Како Основниот кривичен и Апелационен суд во Скопје ги изиграа 15 осудени на 200 години затвор за ‘27 април’?“.

„Вечер“: Филипче и Заев и другите мафијаши во СДСМ соработуваат со балканската мафија, подготвени да ги исполнат бугарските услови, само да ги урнат владата и Мицкоски!

„На обичен набљудувач на политичките настани во Македонија се уште му е нејасно зошто и како сегашното раководство на СДСМ душмански ја растура сопствената партија. Дали е тоа за интерес на мафијата во партијата која се плаши од внатрешен преврат, или се работи за досега невиден аматеризам и политичка неписменост? Одговор на оваа дилема најверојатно е збир на двете варијанти.“ – нагласува весникот „Вечер“ во својата редакциска анализа со наслов „А каде е деновиве Филипче? Со Кавачкиот клан на средување на сметките, или на концерт на Харис?“
Сите вести од Македонија

Најнови вести

To top