Македонија Бизнис

Владата го усвои дополнетиот ребаланс на Буџетот: Повеќе пари за проекти од инфраструктурата, за образованието и социјалнa заштита

Владата  го усвои Дополнетиот ребаланс на Буџетот за 2025, во којшто се вградени и амандманите коишто беа усвоени во текот на расправата на матичната Комисијата за финансирање и буџет, а со кои се обезбедуваат дополнителни средства во Министерството за транспорт, Министерството за социјална политика, демографија и млади и Министерството за образование и наука. Станува збор […]

Владата  го усвои Дополнетиот ребаланс на Буџетот за 2025, во којшто се вградени и амандманите коишто беа усвоени во текот на расправата на матичната Комисијата за финансирање и буџет, а со кои се обезбедуваат дополнителни средства во Министерството за транспорт, Министерството за социјална политика, демографија и млади и Министерството за образование и наука.

Станува збор за дополнителни 6 милиони денари за проектна документација за нова сообраќајница во општина Куманово во Буџетот на Министерството за транспорт, дополнителни 50 милиони денари за исплата на социјални надоместоци во буџетот на Министерството за социјална политика, демографија и млади, како и 5 милиони денари за Универзитетот „Гоце Делчев“ во Буџетот на Министерството за образование и наука.

Со дополнетиот предлогот усвоен од страна на Владата се обезбедени средства кај одделни буџетски корисници со цел редовно сервисирање на обврските, односно со прераспределби се изврши зголемување на средствата кај одредени буџетски корисници, со истовремено намалување на средствата од одредени буџетски корисници, со цел усогласување на расходите со досегашната реализација и очекувањата до крајот на годината. Дополнителни измени се однесуваат и на дообезбедување на средства за плати, како и за сервисирање на обврски.

Измените и дополнувањата на Буџетот за 2025 година ги следат основните приоритети на фискалната политика кои се во насока на продолжување на фискалната консолидација, обезбедување макроекономска стабилност и поттикнување на развојот, при што нема промена во проекцијата на нивото на буџетскиот дефицит.

Вкупните приходи со ребалансот се проектирани на ниво од 362,4 милијарди денари или за околу 1 % повеќе во однос на Буџетот, односно за околу 3,5 милијарди денари.

Вкупните расходи се планирани на ниво од 403,7 милијарди денари и исто така бележат раст од околу 1%, односно за околу 3,5 милијарди денари, што се должи пред се на развојната компоненета.

Со предложениот Ребаланс се врши реалокација на средства помеѓу буџетските корисници, се дообезбедуваат средства за непречена исплата на плати пред се во Министерството за внатрешни работи, каде е обезбеден раст на платите на вработените од 10%. Исто така, се обезбедени дополнителни средства за исплата на зголемени пензии и транзициски трошоци и како и дополнителни околу 300 милиони денари за капитални расходи.

Капиталните расходи се планирани во висина од 47,4 милијарди денари и се во насока на додавање средства за динамизирање на реализацијата на проектите кај коишто е веќе потврдена добра реализација, пред се во Министерството за одбрана.

Продолжува финансиската поддршка и соработка на Владата со општините, за кои претходно со донесената Прераспределба на средства помеѓу буџетски корисници беа обезбедени дополнителни 584 милиони денари.

Со ребаласнот не се ревидира стапката на раст и таа останува на 3,7%, како што беше проектирана и со Буџетот за 2025 година.

Инфлацијата е проектирана на 2,8% и се очекува  нејзино стабилизирање, стапката на н невработеност е планирана на 11,1%.

Крајна цел на измените и дополнувањата на Буџетот за 2025 година е непречено извршување на Буџетот и оддржување на идентично ниво на буџетскиот дефицит планиран со иницијалниот Буџет, односно буџетскиот дефицит останува непроменет и во апсолутен износ и како процент од БДП, односно 41,3 милијарди денари или 4% од БДП.

Дополнетиот Ребаланс на Буџетот ќе биде испратен на усвојување од страна на Собранието.

Најнови вести од: Македонија Бизнис

Нов Правилник за возила: Европски стандарди и поедноставени постапки од денеска

Од денеска, 1 септември 2025 година, стапува во сила нов Правилник со кој се воведуваат европски стандарди и новости во процесите за одобрување на тип на возило, единечно одобрување, идентификација, оцена на техничката состојба и издавање потврди за исполнетост на техничките барања за возилата во Македонија.

Македонија 51 „ најмирна“ држава во светот

Македонија се позиционира на 51. место на Глобалниот индекс на мир (GPI) за 2025 година, објавен од Институтот за економија и мир (IEP). Ова рангирање, кое опфаќа 163 независни држави и територии, се базира на критериуми како социјална безбедност, обем на внатрешни и меѓународни конфликти и степен на милитаризација. Во споредба со минатата година, земјата […]

Пад на акциите на британските банки по предлогот за новиот закон за данок на профит

Акциите на водечките банки во Обединетото Кралство забележаа значителен пад по објавувањето на предлогот за воведување нов данок на банкарските профити. Според извештаите, овој данок на неочекувани приходи би можел да донесе до 8 милијарди фунти годишно за државната каса.

ВМРО ДПМНЕ: Инфраструктурно ја преобразуваме Македонија, реализираме крупни проекти, за една година над 70 км патишта

До крајот на 2026 во употреба ќе биде пуштен целиот автопат Кичево-Охрид. Засилено се гради и на автопатиштата Тетово-Гостивар и Прилеп-Битола, кои се очекува да се предадат во употреба во 2027 година

Муртезани во Данска на евроминистерски состанок за значењето на Копенхагенските критериуми како основа на проширување

На состанокот во главниот град на Данска ќе се расправа и за концептот на постепена интеграција како механизам за одржување на европската перспектива и за зајакнување на довербата во пристапувањето.

На полноќ завршува рокот за собирање потписи за независни кандидатури за локалните избори 2025

Според податоците на Државната изборна комисија (ДИК), до саботата потписи за градоначалници се собираа во 16 општини за вкупно 22 кандидати, а за членови на советите на општините потписи се собираа во 11 општини за вкупно 12 листи.

Повеќе од 250 мртви и околу 500 повредени во земјотрес од 6 рихтери во Авганистан вчеравечер

Светските медиуми ги пренесуваат стравувањата на локалните власти во Авганистан дека „стотици луѓе се смета дека се исчезнати, или затрупани под урнатините во куќите во погодениот планински дел на Авганистан“…

Премиерот Мицкоски денес во ОУ „Кирил Пејчиновиќ“ во Кисела Вода по повод почетокот на новата учебна година

Во ова и сите други основни и средни училишта во Република Македонија денес, на 1 септември 2025 година започнува новата учебна 2025/2026 година за 245 илјади ученици, односно 177.800 основци и 67.200 средношколци.

To top