„Филипче продолжува да го игра бугарското сценарио за Македонија, да ја понижува сопствената држава, притоа заборавајќи дека тој и неговиот струмички ментор се виновници, поради чие предавство и прифаќање штетен договор сега сме предмет на уцена и притисок. Но Македонија ќе продолжи со реформите и со својот пат кон ЕУ!“– реагира ВМРО ДПМНЕ.
Натаму во своето соопштение владејачката македонска партија истакнува: Македонија ќе продолжи со реформите без разлика на диоптријата која е јасна, а тоа е дека извештајот како многу пати во минатото и во други земји се користи како дел од политичките условувања, притисоци и динамика на земјата. Но за нас е јасно дека вакви и слични извештајчиња ќе продолжат се додека не се најде решение со Бугарија. Но и покрај тој негов аспект, извештајот сметаме дека е одличен и нѐ охрабрува да продолжиме на патот на реформите и го гледаме како патоказ, на кој треба да се насочиме во иднина. Истовремено очекуваме да се разговара за овие теми во иднина, а Филипче како притиснат на копче да продолжи да крева паника, зашто тој е е заложник и киднапиран и ние тука ништо не можеме.
Филипче токму поради ова пред кампањата ја отвори оваа тема. Некои може сметаа дека е совпаѓање, или поттикнати од глупостите, кои ги прават дека е незнаење. Но оваа тема е сепак нешто далеку подлабоко, тоа е заложништво на Филипче и семејството од Струмица во фиоките на нашите соседи. Тоа им е веќе на сите јасно.
Ние благодариме за извештајот. Сметаме дека е реален, има многу работи, кои се заостанати и резултат на проблемите, кои ги наследивме. Но ќе работиме посветено на реформите и неопходните чекори за просперитет и благосостојба на земјата и нашите граѓани. – посочува ВМРО ДПМНЕ во своето денешно соопштение.