„Од Левица се заплеткаа во лагите: на прес-конференција практично признаа дека податоците добиени од свиркачи за парите кои од сметката на партијата завршиле во џебови на тесното раководство се точни!“ – соопшти ВМРО-ДПМНЕ.
ВМРО ДПМНЕ истакнува: Парите од сметката на партијата Левица по разни основи завршиле кај тесното раководство на Левица. Мојсоска, која изнесе информација дека била сметководител на Левица, требало да знае дека тоа е противзаконско, ако ја говори вистината. Правниците од Левица би требало да знаат дека во Законот за пратениците јасно е наведено: „Член 4: Функцијата пратеник во Собранието се врши професионално. Член 5: Пратеникот нема право да врши други јавни функции, или професии, кои согласно со законот се неспојливи со функцијата пратеник. Член 9: „Функцијата пратеник е неспојлива со вршењето на дејности со профитна цел.“
Законот е јасен: Јована Мојсоска како пратеник не смеела да остварува профит и да врши сметководствени услуги за Левица. Ако е вистина улогата на сметководител, тогаш Мојсоска сериозно го прекршила законот. Бегајќи од вистината, Левица се заплетка во сопствените шеми за извлекување партиски пари за лични потреби на раководството. Вистината излезе на виделина: под закрила на идеологија, чесност и приказни за неподмитливост, Од Левица испумпуваат пари на личните трансакциски сметки.
Пропагандата на Левица за чесност и неподмитливост се претвори во параван зад кои се извлекуваат пари. Вистината е на виделина: Левица не е отпорна на корупција и не се бори против неа, туку е дел од неа. – соопшти владејачката партија