Македонија

ВМРО-ДПМНЕ: По стапките на Заев тргна и Филипче

За да дојде на власт и да остварува личен интерес, слугува и одработува за бугарските интереси

Во својата историја СДСМ покажа и докажа, дека на власт не може да дојде со изборна програма во која, со понуда за проекти да ја бараат поддршката на граѓаните, туку во неколку изборни циклуси влегува со јасна предавничка цел и со лаги и манипулации бара гласови, обвини денеска ВМРО-ДПМНЕ.

„Како што беше и примерот на Зоран Заев, кој со изгубени избори дојде на власт за да го премени името, а тој да профитира милиони ограбувајќи ја државата.

По истите овие стапки на Заев, сега тргнал и Венко Филипче, да слугува на туѓи интереси само за да се дограби до власт.

Ова СДС на чело со Филипче, не е ништо друго, освен извршител на бугарската агенда и ги распродава националните интереси“ се вели во денешното соопштение на владејачката партија.

Како што велат, ова СДСМ и Венко Филипче се бугарскиот ас на бугарскиот претседател, Румен Радев во реализацијата на антимакедонското сценарио.

„И токму нивното посегнување кон фабрикувани лаги и манипулации како и нападите кон ВМРО-ДПМНЕ и претседателот Христијан Мицкоски се резултат на нивните одработувања за туѓи сценарија.

Намерата на ваквите оркестрирани и скапо платени со бугарски пари напади е да се ослабне ВМРО-ДПМНЕ и Христијан Мицкоски, со надеж дека така ќе дојдат на власт и лесно ќе ги распродаваат националните интереси.

Нападите на СДС, веројатно, ќе продолжат понатаму и затоа ги повикуваме граѓаните и понатаму будно да ги следат случувањата, зошто сè ќе излезе на виделина и јасно ќе препознаат дека се од ова што кажавме е точно и дека СДС и Филипче единствено се водат од личниот интерес.

Но, народот јасно знае дека ВМРО-ДПМНЕ со претседателот Мицкоски се единствените на браникот на националните и државни интереси“ се вели во партиското соопштение.

 

Најнови вести од: Македонија

Врз 13 пациенти непотребно се правеле операции – министерството за здравство ќе проверува кој си играл со здравјето на луѓето?!

Комисија веќе имаше состанок, заврши со осумте наоди кои ги имаме, имаме уште пет други кои ќе продолжат, надворешната комисија ќе дојде кога ќе бидеме спремни. Не се правно договорени заради законските пречки, тоа ќе биде после изборите, рече ресорниот министер.

Град Скопје со кривична пријава кон „Комунална хигиена“ оти не го собира ѓубрето

Проблемот со отпадот во Скопје не е само сега, тој се провлекува со години наназад, а дел од општините преку разни активности со свои капацитети се обидуваа колку толку да исчистати покрај тоа што граѓаните редовно плаќаат за оваа услуга.

To top