Македонија

Во август речиси 20 илјади сообраќајни прекршоци, лишени од слобода 82 лица за безобѕирно управување на возило

Билтен на МВР

Во периодот од 01.08.2025-31.08.2025 како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 19.343 издадени платни налози, 6.730 прекршоци се однесуваат на возачи кои не ја почитувале пропишаната брзина на движење.

Лишени од слобода за безобѕирно управување на возило согласно член 297-а од Кривичниот законик биле 82 лица, од кои 46 за возење под дејство на алкохол, 10 за возење под дејство на наркотични средства, две за возење во забранет правец, 13 за возење со брзина поголема од дозволената во населено место, 11 за возење со брзина поголема од дозволената надвор од населено место.

Понатаму, според статистичкиот преглед од полициските активности, во текот на месец август беа евидентирани 4.113 прекршоци за неправилно паркирање, 1.825 мерки се изречени за возачи што управувале возило без возачка дозвола, како и 455 санкции за возење под дејство на алкохол.

Од друга страна пак, а согласно одредбите од Законот за безбедност на сообраќајот на патиштата санкционирани биле 1.149 возачи на мотоцикли за неносење заштитен шлем, а санкционирани се и 164 пешаци и 81 возач на електричен тротинет. Исто така санкционирани се 803 учесници во сообраќајот кои што не користеле сигурносен појас. Согласно Законот за возила, 411 возила биле отстранети од сообраќај заради тоа што биле нерегистрирани, а 92 заради техничка неисправност.

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта.

Најнови вести од: Македонија

Муцунски: Преговорите со ЕУ не се блокирани – тие никогаш не ни започнаа поради СДСМ и ДУИ

Министерот за надворешни работи, Тимчо Муцунски, одговори на изјавите на лидерот на СДСМ, Венко Филипче, во врска со процесот на евроинтеграции, истакнувајќи дека преговорите со Европската Унија не можат да бидат блокирани, бидејќи, според него, тие „никогаш и не започнале, благодарение на СДСМ и ДУИ“.

Мицкоски: Пред 15 години зборувавме за компјутер за секое дете, а денес после 15 години зборуваме за учебник за секое дете

По повод започнувањето на новата учебна година, премиерот на Република Северна Македонија, Христијан Мицкоски, го посети ООУ „Кирил Пејчиновиќ“ во општина Кисела Вода. Во своето обраќање, тој истакна неколку клучни пораки за значењето на образованието и иднината на младите.

Тешки навреди, скандирања „нацисти“ и пцости кон Урсула Лаен вчера при посетата на воената фабрика во Сопот, во Бугарија!

Дури и весникот „Тајмс оф Индија“ најде за потребно да објави дека „конвојот на шефицата на ЕУ Урсула фон дер Лаен беше блокиран во Бугарија, додека на неа ѝ беше скандирано со зборовите ‘нацисти!“.

Најнови вести

To top