Македонија

Во државата има 6.500 „службени“ возила, ДКСК знае за само околу 2.000

Владата донесе одлука сите службени возила да добијат специјални таблички во боја, црвени, најдоцна до 15 септември 2025 година, со цел поголема транспарентност и спречување злоупотреби

1 минута за читање

Во Регистарот на Антикорупцииска за возила на државни органи, органи на локалната самоуправа, јавни претпријатија или други правни лица што располагаaт со државен капитал евидентирани се 1.916 возила пријавени од страна на повеќе институции, иако државните институции располагаат со околу 6.500 возила, дознава Слободен печат.

За таканаречените „службени“ требаше да се достават податоци за бројот, марката на возилото, година на производство, регистарски број и возна состојба до ДКСК најдоцна до 18 август.

Доколку правните лица не достават податоци во предвидениот рок, ДКСК покренува прекршочна постапка во рок од 15 дена од истек на рокот за доставување на податоците.

Евидентирањето на возилата на институциите се врши со цел тие да не се користат од страна на функционерите и други именувани и избрани лица за потребите на изборните кампањи.

Владата, пак, донесе одлука сите службени возила да добијат специјални таблички во боја, црвени, најдоцна до 15 септември 2025 година, со цел поголема транспарентност и спречување злоупотреби.

Предвидено е исто така да се воведе специјален регистар на државните автомобили, кој ќе овозможи прецизна евиденција за местоположбата и користењето на секое службено возило.

Поврзани теми:

таблички во боја|службеи возила|транспарентност|15 септември|актуелно|злоупотреби

Повеќе на оваа тема:

Најнови вести од: Македонија

Сиљановска-Давкова: Фемицидот е еден од најтешките општествени проблеми со кои се соочуваме

Борбата против фемицидот мора да започне дома, во градинка и во основното образование, да продолжи со правни акти и институционални механизми, вклучувајќи ги и јавнообвинителските и судските. Сиљановска-Давлова посочи дека ако фемицидот е системски предизвикан проблем, тогаш и неговото решавање мора да биде системско.

Ѓорѓиевски: Деблокиран е процесот за клучката кај Момин Поток, изградбата продолжува забрзано

Градоначалникот на Скопје Орце Ѓорѓиевски информираше преку општествената мрежа за забрзаната динамика во изградбата на сообраќајно-транспортната инфраструктура во македонската метропола.

(Фото): На располагање 25 милиони евра – рекорден интерес кај младите за самовработување

Мерката за самовработување постигна рекорд со 6.045 поднесени апликации, што е доказ дека граѓаните имаат желба, знаење и доверба да изградат сопствен бизнис, рече премиерот. Поради големиот интерес, Министерството за економија заедно со Агенцијата за вработување, ѝ предложија на Владата ревизија на Планот, со што беа обезбедени дополнителни 300 милиони денари, од кои 161 милион преку ребалансот, за ниту еден потенцијален претприемач да не остане без шанса.

Мицкоски: Ако мисли некој дека треба билатералните прашања да ни бидат пречки за членство во ЕУ, тогаш не можеме ништо да сториме

Вториот чекор во реформската агенда, според претседателот на Владата на Република Македонија Христијан Мицкоски, е да влеземе во либерализација на пазарот за електрична енергија за домаќинствата, сите оние кои се на регулираниот пазар. „Но, тоа нема да го направиме, зашто ако тоа го направиме тогаш домаќинствата и сите оние коишто се на регулираниот пазар минимум ќе имаат 30 до 35 проценти поскапи сметки за електрична енергија. Тоа свесно нема да го направиме.“ – рече Мицкоски на денешната прес-конференција за доделување решенија за самовработување како дел од Оперативниот план за вработување.

Манасиевски: Судии и обвинители-митаџии со само 2 отсто доверба бараат плати и до 6 илјади евра!

„На македонското правосудство му е потребен ремонт. Во судството и обвинителството не смее да има остатоци од оние, кои ги бираа СДС и ДУИ. Корумпирани и криминални. Поради оваа група на поединци, чесни и транспарентни судии и обвинители не можат да дојдат до израз.“ – нагласи Валентин Манасиевски од ВМРО ДПМНЕ во денешната изјава за медиумите.

Кривична пријава против поранешниот градоначалник на Кичево, постапувал спротивно на законот

ОВР Кичево поднесе кривична пријава против Ф.Д. (51) од кичевското село Србица, поради постоење основи на сомнение за сторено кривично дело „Несовесно работење во службата“ по член 353 од Кривичниот законик.
Сите вести од Македонија

Најнови вести

To top