Македонија

Во Македонија, во просек, подолго се живее, но опаѓа бројот на населението

Животниот век во Македонија се зголеми за една година и достигна 76,6 години, но позитивен прираст имало само во Скопскиот регион – најмногу во Сарај и Чаир

2 минути за читање

Во 2024 година се родиле 16.061 деца, а починале 20.201 лица, што значи намалување на населението за над 4.000 жители.

Позитивен прираст имало само во Скопскиот регион, најмногу во Сарај (+8,4) и Чаир (+5,5 на 1 000 жители). Најголем пад имало во Ново Село (-14,8) и Новаци (-13,7).

Бројот на бракови лани се намалил за 1.600, а разводите се зголемиле за 259. Најмногу разводи на 1,000 бракови имало во Вардарскиот, Источен и Југоисточен регион – над 200.

Ова го покажуваат податоците од „Статистичкиот годишник на Република Северна Македонија 2025“, објавен од Државниот завод за статистика.

Просечниот очекуван животен век во земјава е зголемен за една година на 76,63 години, споредено со 75,32 во 2023 година. Подолговечни се жените со просек од 78,86 години, односно речиси четири ипол години повеќе од мажите чиј животен век е 74,48 години.

Во последните шест години, од 2019 година земјава има негативен природен прираст.

За една година во земјава се родиле 16.061 дете, а починале 20.201 лице, што е намалување од 4.140 лица.

Само за една година бројката на живородени деца е намалена за речиси 700, од 16.737 во 2023, на 16.061 во 2024 година.

По региони само во Скопскиот изминатата година имало позитивен природен прираст, а во сите останати негативен. Во четири региони – Пелагонискиот, Вардарскиот, Источен и Југоисточен негативниот прираст на 1.000 жители бил над 4, што е речиси двојно повеќе од просечниот на ниво на држава – 2,3. мкд.мк

Поврзани теми:

избор|население|животен век|новородени|прираст

Повеќе на оваа тема:

Најнови вести од: Македонија

Македонија меѓу лидерите по онлајн купувачи, но сè уште каска со вештачката интелигенција

Растот на е-трговијата сам по себе не е доволен и го отвора прашањето дали економијата е подготвена за следната фаза – е-трговија поддржана од вештачка интелигенција. ВИ веќе има клучна улога во онлајн трговијата преку персонализирани понуди, паметен дигитален маркетинг, оптимизација на логистика, управување со залихи и откривање измами.

Новиот Закон за пушење не е применлив кај нас, реагираат производителите на цигари

Двете држави се разликуваат по многу параметри. Во Македонија суровиот тутун е стратешка земјоделска култура, чии одгледување, производство и откуп се стимулирани од државата, а во земјата активно работат и две фабрики за производство на тутунски производи, кои имаат голем удел во приходите на државниот буџет, извозниот капацитет и вработуваат македонски граѓани, се вели во реакцијата против новиот предког-закон.

Клековски најави процентуално зголемување на платите во јавното здравство од март

„Остануваме посветени и со силна поддршка за натамошно зголемување на платите во здравстевниот сектор во смисла на соодветно вреднување на работата на здравствените работници како предуслов за квалитетна работа.“ – изјави директорот на Фондот за здравствено осигурување, Сако Клековски, на денешната прес-конференција во Владата.

Ивор Мицковски: Вакво криминално и кавгаџиско раководство не памети СДСМ во својата историја, со него нема иднина ни тој ни државата!

„Вакво арогантно, клановско, племенско, извалкано, криминално и криминогено, тесно и финансиски зависно, просто и некултурно, кавгаџиско, а испразнето од секаква политичка тежина и цел, освен личниот спас од кривична одговорност – е вакво штетно раководство некогаш најголемата опозициска партија СДСМ не памети во својата историја.“ – нагласува новинарот Ивор Мицковски во својата објава на фејсбук.
Сите вести од Македонија

Најнови вести

To top