Во срцето на Милано, “Самсунг“ (Samsung), Светски Олимписки и Параолимписки Партнер, официјално отвори “Самсунг Куќа“ (“Samsung House”) во историската палата Сербелони (Palazzo Serbelloni)1 – нов центар за спортистите, медиумите и партнерите во текот на Зимските Олимписки и Параолимписки Игри Милано Кортина 2026.
Свечената церемонија која се одржа на 4 февруари, официјално го обележа отворањето на “Samsung“ Куќата со сечење на лента, а на настанот обраќање имаа истакнати гости, меѓу кои: Ан-Софи Вумар (Anne-Sophie Voumard), Директорка на Телевизиските и Маркетинг услуги на ИОК, Андреа Варние (Andrea Varnier), Извршен Директор на Милано Кортина 2026, како и претставници од регионот Ломбардија и Град Милано.
На церемонијата присуствуваа и претставници на “Samsung”. Воведно обраќање имаше Стефани Чои (Stephanie Choi), Извршен Потпретседател и Раководител на Центарот за мобилен маркетинг, Бизнис за Мобилно Искуство (Mobile eXperience – MX) во “Samsung Electronics“, додека Мауро Порчини (Mauro Porcini), Претседател и Главен директор за дизајн, се приклучи како дел од делегацијата на “Samsung“.
Настанот по повод свеченото отворање вклучуваше и перформанси во живо, како и специјално креирано миланско мени, подготвено од италијанскиот шеф со Мишелин ѕвезди, Енрико Бартолини (Enrico Bartolini).
“Samsung“ Куќата го отелотворува верувањето на “Samsung” дека отвореноста ги зближува луѓето и прикажува како технологијата на брендот овозможува поповрзано Олимписко и Параолимписко искуство, не само на Милано Кортина 2026, туку и низ целата негова 30 годишна историја како светски партнер. Просторот во “Samsung“ Куќата е дизајниран од “Balich Wonder Studio”, предводена од Марко Балич (Marco Balich), Креативниот Директор на Церемонијата за отворање на Милано Кортина 2026. Дизајнот на просторот е во ритамот на Зимските Олимписки Игри и не функционира како самостојна изложба, туку ја доловува атмосферата на церемонијата на отворање и ја пренесува на посетителите. Просторот содржи зони кои се дизајнирани да го истакнат наследството на “Samsung“ во иновациите и да поттикнат значајни поврзувања.
“Samsung“ Куќата ќе биде отворена во текот на Зимските Олимписки Игри, до 22 февруари 2026 година, по што повторно ќе се отвори за време на Зимските Параолимписки Игри, во период од 6 до 15 март 2026 година.
За “Samsung Electronics Co., Ltd.“
“Samsung“ го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, уредите за носење, таблетите, дигиталните уреди, мрежните системи и меморија, LSI системите и LED решенијата.
“Samsung“ исто така ги унапредува технологиите за медицинско снимање, HVAC решенијата и роботиката, додека создава иновативни автомобилски и аудио производи преку “Harman“. Со својот екосистем SmartThings, отворената соработка со партнерите и интеграцијата на вештачката интелигенција низ целото свое портфолио, “Samsung“ нуди беспрекорно и интелигентно поврзано искуство. За најновите вести, ве молиме посетете ја страницата “Samsung“ Новости: https://www.samsung.com/mk/news/.
За вклученоста на “Samsung“ во Олимписките Игри
“Samsung” е Светски Олимписки Партнер од Зимските олимписки игри во Нагано 1998 година. Речиси 30 години, спортистите и навивачите веруваат во трансформативната мобилна технологија на “Samsung” за споделување на Олимпискиот дух на глобално ниво и продолжуваат да ја обликуваат дигиталната иднина за Олимписките игри за Милано Кортина 2026 и понатаму. Посветеноста на компанијата кон олимпиското движење наскоро навлегува во својата четврта деценија на партнерство и се протега до Лос Анџелес 2028 година. Целосните иновации на “Samsung” во категоријата на безжични комуникации и компјутерска опрема, вклучувајќи опрема со вештачка интелигенција, виртуелна реалност, изменета реалност и 5G, ќе го променат начинот на кој светот ги доживува Олимписките Игри.
За вклученоста на “Samsung“ во Параолимписките Игри
“Samsung” е светски партнер на Интернационалниот Параолимписки Комитет (IPC) во категоријата на безжични комуникации и компјутерска опрема. Почнувајќи од Зимските Параолимписки Игри во Торино 2006 година, компанијата гордо го поддржува Параолимпиското движење и им овозможува на спортистите и навивачите ширум светот да ја споделат возбудата и инспирацијата од Игрите преку трансформативната мобилна технологија на “Samsung”. Посветеноста на “Samsung” кон Параолимписките Игри ќе продолжи и во Лос Анџелес 2028 година и ќе биде одбележана преку иновативни мобилни и компјутерски искуства овозможени од наменски иновации во категоријата на безжична комуникација и компјутерска опрема, вклучувајќи опрема што содржи вештачка интелигенција, виртуелна реалност, изменета реалност и 5G.