Во СДСМ се случува досега невиден феномен во кој висок партиски функционер презема политичка одговорност за одличен успех на локалните избори.
Денеска оставка од потпретседателската функција поднесла професорката Ана Чупеска блиска соработничка на лидерот Филипче и колешка на професорот Фрчкоски кој важи за идеолог на СДСМ.
Според Љупчо Златев, уредник на Радио Лидер досега не се случило некој да преземе одговорност за успех на избори.
,,Оставката на Ана Чупеска е сигнификантен политички евент. Во современата политичка историја за прв пат се случува висок политички функционер да си поднесе оставка по една таква голема победа…”, пишува Златев.
Уште вечерта на изборите Чупеска тврдеше дека резултатите се катастрофални за ВМРО-ДПМНЕ а добри за СДСМ.
Десетина дена подоцна таа поднесува оставка во партијата.