Македонија

Во Струмица ќе биде откриено спомен-обележјето во чест на Џоко Ѓоргиев и 64-те жртви од трагедијата во Кочани

На 5-ти септември

1 минута за читање

Во Струмица на 5 септември ќе биде отворено спомен-обележје во чест на Џоко Ѓоргиев и во спомен на 64-те жртви, соопшти Здружението на граѓани „16-ти Март 2025“.

Настанот ќе се одржи во Градскиот парк, кај Домот на АРМ, а ќе започне со марш на сеќавањето во 17:30 часот. Маршот ќе започне од булеварот „Гоце Делчев“, кај Пекара „Бејкер“, и ќе заврши во Градскиот парк.

Главниот настан е предвиден за 19 часот, кога ќе се одржи музичка програма и свечено ќе биде отворено спомен-обележјето.

Од здружението велат дека обележјето ќе биде место на сеќавање на оние што ги загубиле животите и порачаа дека нивните имиња и споменот за нив треба да останат зачувани.

„Да бидеме таму за сите 64 ангели, за нивните незавршени соништа, за љубовта што ја оставија зад себе и за споменот што ќе го чуваме додека постоиме“, се наведува во објавата.

Поврзани теми:

музучар|актуелно|струмица|кочани|жртви|днк|спомен обележје

Повеќе на оваа тема:

Најнови вести од: Македонија

Од историска касарна до најдобра зелена библиотека во светот: „Рами“ во Истанбул го освои првото место на наградите на IFLA

Најголемата библиотека во Истанбул, „Рами“, го освои првото место во категоријата „Проект од големи размери“ на наградите „Green Library Awards 2026“

Димитриеска-Кочоска: Старите долгови мора да се враќаат – речиси 1,5 милијарди евра доспеваат во 2027 година

Новата еврообврзница, чие издавање е планирано во 2027 година, е дел од навременото обезбедување пари финансирање на обврските на државата, меѓу кои и отплатата на значителен износ на стари долгови што достасуваат следната година, а земени од претходната Влада. Ова го истакна министерката за финансии Гордана Димитриеска-Кочоска, одговарајќи на новинарско прашање во врска со обвинувањата на опозицијата за ново задолжување на Владата од 1,3 милијарди евра.

На патот Охрид-Кичево синоќа загина кошаркарскиот тренер Антонио Савески (33) од Охрид, откако возилото му удрило во кучиња и се запалило

Тешка сообраќајна несреќа изминатата ноќ, што се случи на автопатот Охрид-Кичево, заврши со трагичен исход: животот го загуби 33-годишниот Антонио Савески од Охрид, тренер во младинската школа на кошаркарскиот клуб „Ангели“.

Клековски: Решен е проблемот за пациентите со хемофилија – обезбедени над милион единици фактор 8

Министерот за здравство, Сашо Клековски одржа прес конференција со директорот на Институтот за трансфузиона медицина, Амир Елези, на која информираа дека се обезбедени 1.2 милиони единици фактор 8 за хемофилија, во вредност околу 500.000 долари.

„Тиквеш“ со нови меѓународни награди: Најдобар производител и најдобри вина во Германија и голем златен медал и специјална награда во Франција

Винарската визба „Тиквеш“ ја потврди својата доминација на меѓународните вински натпревари, овој пат освојувајќи вкупно 15 високи награди на престижните Mundus Vini Summer Tasting 2026 и Citadelles du Vin 2026, меѓу кои и специјални награди за најдобар производител и за најдобри вина од Македонија. Со новите успеси, винарницата уште еднаш докажа дека во земјава има потенцијал за создавање светски брендови кои во силна конкуренција се истакнуваат со своите уникатни вредности.
Сите вести од Македонија

Најнови вести

To top