„ДУИ има едноставен рецепт две децении: кога доаѓаат локални избори, не зборува за општини, туку измислува референдуми, националистички теми и знамиња, само за да го скрие својот срамен неуспех.“ – наведува коалицијата Вреди во своето соопштение.
Натаму вреди истакнува: Фактот е јасен и не може да се негира: Во текот на 20-те години од својата власт кадрите на ДУИ ја уништија секоја општина, со која управуваа. Денес, по две децении на власт, многу општини, во кои живеат и Албанци, сè уште немаат вода за пиење, канализација, основна инфраструктура, училишта со достоинствени услови, или центри за деца и стари лица. Граѓаните продолжуваат да живеат во беда, додека функционерите на ДУИ се збогатуваат на нивна сметка.
ДУИ точно знае: ако се зборува за општините, трката ќе ја изгуби. Затоа бегаат од реалноста и измислуваат референдуми секој пат кога ќе се соочат со разочаран граѓанин. Во меѓувреме Владата со Вреди во неа само за една и пол година одвои 80 милиони евра за општините, во кои живеат и Албанци. Тоа се конкретни инвестиции, проекти што отвораат нови патишта, градат училишта, носат вода за пиење и подобри услови за секојдневниот живот.
Разликата е голема и опиплива: ДУИ по 20 години остави празнина, неуспех и сиромаштија во општините. Владата со Вреди во неа за една и пол година обезбеди рекордни инвестиции и конкретни проекти. На 19 октомври граѓаните ќе стават крај на националистичката измама на ДУИ. Нема знаме, што ја покрива корупцијата, нема референдум, што ги крие неуспесите. Општините ќе им се вратат на граѓаните, на нивна услуга, со отвореност и развој.
Ние сме клучот за повторно издигнување на општините, во кои живеат и Албанци. Минатото на ДУИ е срамно, иднината со нас е сигурна. – наведува коалицијата Вреди во своето денешно соопштение.