„Пратеници, министри, директори, високи партиски функционери, претседатели на ограноци, лидери на младински форуми и женски форуми, активистки од сите региони јасно и недвосмислено артикулираат дека не се со кланот и планот на Али Ахмети, туку со граѓаните, со надежта и со проектот за промени“, се вели, меѓу другото, во денешното соопштение на Коалицијата ВРЕДИ.
Од Коалицијата веат дека изразуваат најискрено добредојде и благодарност до сите оние експоненти на Алијансата за Албанците кои, во важни моменти за иднината на Албанците во Македонија, избраа да останат таму каде што припаѓаат со достоинство: покрај граѓаните и дел од проектот за промени“.
Се’ поизвесно е дека крилото на АА на Тарави смета на зближување и поддршка од ДУИ на локалните во октомври.
„Оваа нивна одлука не е само политички став, туку е чин на граѓанска одговорност, вреден придонес во процесот на длабока трансформација што го започнавме заедно.
Во време кога личните интереси и затворените пазарења се обидуваа да ја деформираат волјата на 107 илјади албански гласачи, овие претставници покажаа дека политичкиот интегритет не може да се купи или отуѓи“, велат во соопштение од ВРЕДИ.