„ДУИ падна толку ниско што веќе не се крие зад сцената, туку отворено се појавува како политички партнер на најалбанофобната партија во земјата, „Левица“ на Димитар Апасиев. Кандидатурата на Јована Мојсовска во Струга е печат на срамниот договор што го смислија луѓето на Али Ахмети со Левица, со единствена цел да ја спречат победата на Менди Ќира во првиот круг“, велат од ВРЕДИ.
„Денес, исто како во „соба 161“ кога се откажаа од претседателот на парламентот само за да останат на власт, ДУИ избра да ги здружи силите со „Левица“ за да ги спречат промените.
Овој договор меѓу ДУИ и „Левица“ е јасен доказ дека се отуѓиле и се откажале од секоја потреба на стружани. За Ахмети и неговите емисари, моќта е повредна од достоинството на Албанците, иднината на Струга или слободниот глас.
ДУИ избра да стане партнер на „Левица“. Но, граѓаните на Струга избраа да „Бидат партнери на промените. И на 19 октомври, оваа промена ќе се случи.“ Струга ќе стави крај на ерата на корупција и ќе отвори нов, чист и чесен почеток со Менди Ќира“, се вели во соопштението на ВРЕДИ.