Македонија

Вреди: Корумпираните од ДУИ не донесуваа закон за правична застапеност уште од 2003, оти си ги вработуваа внуците и партиските милитанти!

„Тие го сменија кривичниот законик, за да се спасат себеси и своите, оти се сите корумпирани, а ние ги менуваме законите, за да гарантираме правична застапеност на сите.“ – ја обвинува коалицијата Вреди партијата на Али Ахмети.

„За ДУИ правичната застапеност не беше еднаквост, туку начин за вработување на внуци, внуки и партиски милитанти. Од 2003 година не го донесуваа законот за правична застапеност, за да се спасат себеси, оти се корумпирани, но ние, како коалиција Вреди ќе го донесеме овој закон, за да обезбедиме еднаквост и правда.“ – нагласува Вреди во своето денешно соопштение, кое го пренесува информативната агенција на албански јазик Илирија-ИНА.

Натаму Вреди истакнува: ДУИ, сега преименувана како Алијанса на коалицијата на интересот, 20 години ги држеше Албанците како заложници, користејќи го принципот на правична застапеност како маска за корупција, пазарење и одржување на својата моќ по секоја цена.. Законот за правична застапеност требаше да биде донесен уште во 2003 година, но исчезна од агендата преку валкани зделки, клановски интереси и политички игри.

За ДУИ правичната застапеност не беше еднаквост, туку начин за вработување на внуци, внуки и партиски милитанти. Денес благодарение на нашата влада неправдата завршува. Со овој закон секоја институција ќе биде обврзана да го почитува и да го унапредува принципот на правична и соодветна застапеност. Формирањето на Владино координативно тело, предводено од вицепремиерот, ќе го следи и ќе го гарантира неговото спроведување.

Во рок од шест месеци сите секторски закони ќе бидат усогласени со обврските, што произлегуваат од овој закон, со што еднаквоста и правдата ќе станат функционален стандард за сите граѓани. Ова е разликата меѓу ДУИ и Вреди. Тие ги користеа институциите, за да се збогатат себеси и својот круг, а ние ги користиме, за да донесеме еднаквост и правда.

Тие го сменија кривичниот законик, за да се спасат себеси и своите, оти се сите корумпирани, а ние ги менуваме законите, за да гарантираме правична застапеност на сите. Тие донесоа штетни проекти како Отворениот Балкан, а ние донесуваме европски стандарди и правна еднаквост. – завршува коалицијата Вреди во свото соопштение.

Најнови вести од: Македонија

Актуале: Левица отворено соработува со НАИ на Али Ахмети и ДУИ во вториот изборен круг во Струга, Тетово и Скопје!

Информативниот портал на албански јазик „Актуале“ ја констатира, како што нагласува, „веќе видната соработка на Левица на Димитар Апасиев со НАИ на Али Ахмети и ДУИ за 2 ноември“.

Апсурди на ДУИ: бара предвремени парламентарни избори и, ако би се вратила во владата, да не одговара пред премиерот, туку пред граѓаните?!

Пренесувајќи го ставот на неговата партија ДУИ и нивната опозициска коалиција Национална алијанса за интеграција (НАИ), Арбер Адеми со барањето да се одржеле предвремени парламентарни избори поправо се обидува да ги оспори резултатот од ланските парламентарни избори и политичката волја на граѓаните, кои гласале за ВМРО ДПМНЕ и другите партии, што ја сочинуваат сегашната Влада на Република Македонија. „Ќе треба да се одрази вистинската волја на граѓаните во составот на владејачките институции!“ – бара Арбер Адеми во име на ДУИ и НАИ, но дали мисли дека лани не била одразена вистинската волја на граѓаните?! Само затоа што ДУИ не е повеќе на власт, по две децении, би морала да им се исполни незгасливата желба да бидат доживотно во власта, па пак да се оди на парламентарни избори – барања и ставови на ДУИ, кои се далеку од реалноста и нормалната политичка пракса во секоја држава во Европа и светот.

To top