Коалицијата ВРЕДИ е во завршна фаза на обединување во еден политички субјект, кој ќе биде втора политичка сила во Македонија, велат од идната единствена партија составена од сегашните пет – Алијанса за Албанците на Арбен Фетаи, Движење Беса, Демократско движење, Алтернатива и Самоопределување.
Владата има стабилно и значително мнозинство, со тенденција дополнително да се окрупнува, се наведува во соопштението од ВРЕДИ.
„И резултатите од неодамнешните локални избори јасно го покажуваат тоа: ВРЕДИ освои 10 општини, односно околу 80 проценти од општините со доминантно албанско население. Тоа е јасна и недвосмислена потврда каде е довербата на граѓаните. Сметаме дека главниот фокус треба да биде испорака на политики што ќе го подобрат животниот стандард на граѓаните и ќе ги зајакнат сервисните функции на извршната власт“, велат од коалицијата.