Коалицијата од пет политички партии на Албанците во Македонија, ВРЕДИ, утре ќе се спои во еден субјект и оттаму порачуваат дека 9 мај нема да биде обичен ден.
„Утре, 9 мај, не е обичен ден за политичката сцена на Албанците во Северна Македонија. Утре е моментот кога една идеја, која беше доведена во прашање, еден пат кој беше оспоруван и едно обединување кое беше поттикнувано од многумина, добива своја целосна форма и станува политичка реалност. ВРЕДИ, од соработката меѓу пет политички субјекти, се трансформира во единствено политичко тело“, изјави Дритон Сулејмани.
„Утре над 805 делегати ќе го запечатат овој процес. И пораката е јасна. ВРЕДИ повеќе не е само коалиција, ВРЕДИ е едно“, додаде претставникот на единствениот политички субјект од утре.