Во колумната, објавена од информативната агенција на албански јазик Илирија-ИНА, Демирај изнесува: „Иако поминаа повеќе од 30 години од масакрите во Хрватска и Босна и Херцеговина и 26 години од геноцидот во Косово, извршен од српските четници, дури и во 2026 година српско-македонските идеолошки остатоци продолжуваат да парадираат по улиците, славејќи го касапот на Балканот Аркан. Можеа да се видат глетки од срамната парада одржана во Вевчани, во близина на Струга, во јануари 2026 година, што претставуваше марш на омраза од луѓе без совест, кои ги слават злосторствата против човештвото, крвта на децата, жените и невините цивили во Хрватска, Босна и Косово. Ова не е ‘комеморација’, туку славење на криминалот и варварството.
„Овие паради се плукање врз гробовите на жртвите и нов нож во раните на семејствата, што сè уште бараат правда. Тие се јасен доказ дека фашистичкиот и геноциден начин на размислување не исчезнал, туку се негува и отворено се толерира. Ништо овде не е случајно, овие дејства се дел од темните антизападни агенди, насочени кон дестабилизација на регионот и враќање на духот на војната. Уште поскандалозно е криминалното молчење на албанската политичка класа, и тука и таму преку границата. Ги затвораат очите пред фашистичките провокации, само за да ги зачува сопствените фотелји.“
„Кога доаѓа работата да ги крадат гласовите на Албанците овие ‘преродбеници“ викаат гласно ‘татковина’, ‘народ’. Но, кога треба да го бранат албанското национално достоинство пред Србите и Македонците, тие се поклонуваат, молчат и бесрамно ги спуштаат панталоните. Ова јасно го видовме и во Албанија и во С.Македонија. Срамота-предавство.“ – наведува Дритан Демирај на крајот на својата колумна.