Македонија

За корупција во земјите од ЕУ – од 3 до 5 години затвор

За првпат законите на земјите од ЕУ ќе дефинираат подеднакво во сите сектори што претставува корупција и како таа треба да се казнува, изјави Советот на ЕУ по преговорите со Европскиот парламент

1 минута за читање

 

 

Земјите од Европската унија (ЕУ) постигнаа прелиминарен договор за минималните стандарди за земјите-членки да санкционираат корупциски дела во нивните кривични закони, соопшти Советот на ЕУ ренесе ДПА.

Новиот предлог-закон содржи и мерки за спречување на корупцијата и правила за поефикасна истрага и гонење.

Уапсена е Федерика Могерини, осомничена е за корупција и измама

За првпат законите на земјите од ЕУ ќе дефинираат подеднакво во сите сектори што претставува корупција и како таа треба да се казнува, изјави Советот на ЕУ по преговорите со Европскиот парламент (ЕП).

Низ ЕУ, митото во јавниот и приватниот сектор, проневера и попречување на правдата ќе се сметаат за криминална корупција.

Во иднина ќе има и униформни стандарди на однесување на јавните функции.

Прекршителите ќе се соочат со казни од три до пет години затвор, во зависност од делото. Исто така, ќе има униформни правила за тоа кога службениците виновни за корупција ќе ги загубат своите работни места.

За да се спречат таквите дела , секоја земја од ЕУ ќе формира центар за борба против корупцијата.

Земјите-членки, исто така, ќе евидентираат кои професии и индустрии се особено погодени од корупција.

 

Поврзани теми:

актуелно|еу|корупција|3 до 5 години затвор|унифициеање

Повеќе на оваа тема:

Најнови вести од: Македонија

Судење за „Пулс“: Инспекторка утврдила нова фирма, но не направила нова контрола поради „немање влијание врз животната средина“

На денешното судско рочиште за пожарот во дискотеката „Пулс“ во Кочани сведочеше инспекторка за животна средина во Општина Кочани, која истакна дека во 2022 година утврдила оти објектот работи под друго правно лице, но не извршила повторен надзор бидејќи сметала дека станува збор за субјекти што немаат влијание врз животната средина

Стартува системот влез и излез за патување во ЕУ – Македонците ќе чекаат повеќе

Европската комисија потврди системот за влез и излез од утре станува целосно оперативен на сите надворешни граници на ЕУ. Сите патници што доаѓаат од земја што не е дел од ЕУ ќе мора да ги остават своите биометриски податоци, фото и отпечатоци од прсти во системот. Од Брисел велат има технички проблеми со системот кај некои земји членки за што до есен ќе дозволуваат негово делумно суспендирање во случај на предолги чекања на границите.

Тим на УНЕСКО во мај доаѓа во Охрид и Струга – Мицкоски: За Коридорот 8 има решение, но што да правиме со надградбите?!

Во втората половина на мај, делегација на УНЕСКО се очекува да дојде во Македонија за одблиску да разгледа можност за решение за делницата Требеништа–Ќафасан од Коридорот 8 во заштитената зона на Охридското езеро. Премиерот Мицкоски изјави дека проблем не е само трасата, туку и бесправните градби во Струга и Охрид, направени во изминатите години и покрај предупредувањата за можно отстранување од листата на светско културно и природно наследство. Тој додаде дека жителите имаат проблеми со градежните ограничувања поради проширување на семејствата.
Сите вести од Македонија

Најнови вести

To top