Македонија

Запишување ученици и деца во градинка во „Центар“, само со имотен лист

Според градоначалникот Герасимовски, изменети се правилата за да се обезбеди правичен упис и да се спречат злоупотребите на адресните податоци

2 минути за читање

Откако биле забележани случаи на користење фиктивни адреси за добивање место во образовните установи, градоначалникот на Општина Центар, Горан Герасимовски изјави дека некои родителитсе обидувале да прикажат дека живеат на територијата на Центар за нивните деца да добијат предност при уписот.

Според него, во одредени случаи адресата наведена во личната карта не била доволен доказ за реалното место на живеење, дознава 4news.mk

„Се соочувавме со фиктивни адреси. Сега со новиот правилник потребен е и имотен лист“, посочи Герасимовски.

Според него, целта на изменетите правила е да се обезбеди правичен упис и да се спречат злоупотребите на адресните податоци.

Герасимовски нагласи дека во училиштата кои се наоѓаат на границите со соседните општини постои можност за прием и на деца од други делови на Скопје, особено кога има слободни капацитети.

Сепак, во училиштата со поголем интерес за упис, како „Киро Глигоров“ и „Коле Неделковски“, приоритетот на децата од Центар мора да се почитува.

Според градоначалникот, општината има обврска да обезбеди места за своите жители, но истовремено да овозможи рационално искористување на образовните капацитети.

Тој посочи дека правилниците се подготвуваат во соработка со советниците, со цел да се воспостават јасни критериуми и еднаков третман на родителите.

Герасимовски порача дека контролата на документите при уписот ќе продолжи, за да се спречат манипулациите и да се обезбеди транспарентна постапка за прием на децата.

Поврзани теми:

Герасимовски|деца во градинка|фиктвни адреси|избор|ученици|општина центар

Повеќе на оваа тема:

Најнови вести од: Македонија

Повикот на Виктор Берар до Хелените од 1904 да ја согледаат големината на Македонската идеја, а тие сега „слават 114 години од ослободувањето на Костур“! (1)

Со активности на највисоко државно рамниште, но и со други настани во поширокиот костурски регион во Егејска Македонија, денес во Грција, од 8 до 28 ноември 2026 година се „прославува 114-тата годишнина од ослободувањето“ на инаку македонскиот град Костур. Во Првата Балканска војна грчката војска влегува во него на 11 ноември 1912 година без никакви борби со турската војска. Всушност, дали сега се „слави ослободувањето“ на Костур не од Турците, туку од Македонците така што се бришат секакви какви траги од постоењето македонско население, македонски јазик и идентитет, македонска свест?! Александар Грличков токму на денешен ден, на 14 ноември 1961 година во улога како претседател на Извршниот совет на НР Македонија остро ја нападнал Атина дека нејзина „крајна цел е да ја избрише македонската национална самосвест кај Македонците во Грција“. Додека Грците и Бугарите упорно повеќе од еден век го негираат идентитетот и јазикот на македонскиот народ, Виктор Берар како дел од француската интелектуална елита во своето време уште пред 122 години јасно и гласно ќе им укаже ним дека постои не само македонски народ, туку и Македонска идеја! „Грците упорно го негираат постоењето на Македонската идеја, но би било подобро да ја согледаат нејзината големина и нејзините изгледи за иднината! Грците и Бугарите ќе изгубат премногу со будењето на македонското чувство!“ – напишал Берар (10.8.1864-13.11.1931) во својата прочуена студија „За Македонија“ („Pro Macedonia“) од 1904 година.

Мицкоски: Од длабок минус дојдовме до точка нула – од сега очекувам само раст и поинтензивен развој

Она што ме охрабрува е прометот во индустријата што е над 5,5 отсто поголем во споредба со третиот квартал минатата година. Тоа значи дека расте прометот во индустријата и дома и на меѓународниот пазар

Франција подготвена да внесе повеќе сигурност во евроинтеграцијата на Македонија

Има Договор и тој треба да биде имплементиран, ама легитимно е јасно да биде кажано дека потоа нема да има нови дополнувања, други чекори по патот, освен оние од нормалниот процес на реформи
Сите вести од Македонија

Најнови вести

To top