Движењето ЗНАМ на денешната конститутивна седница на работната група за реформи на изборното законодавство се заложи за кратење на пратеничкиот состав од 120 на 90 члена.
„Го афирмирам, односно го реафирмирам ставот на ЗНАМ за намалување на бројот на пратеници на 90, со што ќе се придонесе за рационализација на трошоците – материјални, финансиски и човечки, што ќе претставува значителна придобивка за државниот буџет. Истовремено, ќе се добие пофункционално, поефикасно и поконсолидирано законодавно тело, кое ќе биде во служба на побрза, поквалитетен и посериозен законодавен процес“, образложи потпретседателката на партијата Весна Бендевска.
Друга заложба на партијата на Максим Димитриевски е воведувањето една изборна единица, со долен праг од 2-3 проценти, заради поправична застапеност на помалите партии и на независните пратенички листи.