Регион

Белградски Чециленд „одлета во небо“ (ВИДЕО)

На социјалните мрежи беа споделувани многу хумористични реакции на „шаторите што сакаат да летаат“, а денес природата го исчисти и она што остана

2 минути за читање

Шаторскиот камп Чациланд во Белград, подигнат во близина на српскиот парламент, беше збришан по невремето што вчера го зафати Белград, јавува Нова.рс.

Чациланд е популарен термин за контрадемонстрантите кои себесеи се нарекуваат „Студенти кои сакаат да учат“ и кои подигнаа мини шаторска населба пред Собранието на Србија давајќи ѝ поддршка на актуелната власт предводена од Александар Вучиќ.

На социјалните мрежи беа споделувани многу хумористични реакции на „шаторите што сакаат да летаат“, а денес природата го исчисти и она што остана од таканаречениот Чациланд.

Утрово, областа изгледаше сосема поинаку, а сега на социјалните мрежи се споделува речиси филмска сцена каде што преостанатите бели шатори само полетуваат, носени од ветерот.

„Бог во стил: Добро, брат, дали морам сè сам да го направам?“; „Чаците летаат во небото“; „Еве! Каде фрлаат пари. На ветер“; „Знаењето одлетало. Ни природата не го сака“; „Тоа е нивниот карактер. Сè што градат и реконструираат паѓа, се случува свлечиште, ветерот го оддува“, „Мислам дека Бог им испраќа порака“, се некои од коментарите, а некој забележал дека имало неколку луѓе под шаторите, и покрај најавената бура.

„Не е ли тоа тимот што седи во шатори иако државата најави бура. Утре би можеле да застанат под стреа без никакви проблеми, нема ни грам разум во тоа“, заклучуваат тие.

Поврзани теми:

Белград|невреме|Чациленд|студенти што сакаат да учат|поддржувачи на Вучиќ|избор

Повеќе на оваа тема:

Најнови вести од: Регион

Нов услов за странските работници во Хрватска – ќе мора да учат хрватски!

Наскоро ќе се воведе обврска за странските работници да учат и да полагаат испит на хрватски јазик како услов за продолжување на нивната дозвола за работа во Хрватска, а исто така им се овозможува полесно да ги менуваат работодавачите. Хрватската влада на денешната седница усвоила измени на Законот за странци и ги испратила во парламентот. Измените се прават, заради усогласување со законодавството на ЕУ, односно со Директивата за единствена постапка за обработка на барањата за издавање единствена дозвола за престој и Пактот за азил и миграција, кој воведува нови правила за управување со миграцијата и воспоставување заеднички систем за азил на ниво на Европската унија.

„Нетпрес“: Тројцата убиени во Бугарија биле од паравоена организација, која соработувала со бугарските власти

Тројцата убиени мажи, кои вчера биле пронајдени во поранешниот планинарски дом „Петрохан“ на Стара Планина во Бугарија биле припадници на паравоена ренџерска агенција, јавија бугарските медиуми. Трите жртви пронајдени убиени во „Петрохан“ се Дечо В. (45), Ивајло И. (49) и Пламен Ст. (51), објави бТВ. Тие биле членови на паравоена организација.
Сите вести од Регион

Најнови вести

To top