Доцна синоќа беше фрлена бомба врз куќата на пејачот Здравко Чолиќ во белградската населба Дедиње.
Полицијата и дежурниот обвинител на Вишото јавно обвинителство во Белград се на местото на настанот, а истрагата е во тек.
Деталите засега не се познати, но според извештаите никој не е повреден во експлозијата, но е причинета голема материјална штета, пишува Telegraf.rs.
Полицијата веднаш ги блокираше приодите кон куќата на улицата Стојана Ќелица број 7 по приемот на пријавата. Припадници на Министерството за внатрешни работи спроведуваат истрага, а форензичките експерти собираат докази и ги прегледуваат снимките од безбедносните камери за да го идентификуваат сторителот.
Во моментот кога беше фрлена бомбата, Чолиќ, неговата сопруга и помладата ќерка Лара беа во вилата.
Според извор за Телеграф, тие спиеле во моментот на експлозијата, а звукот ги разбудил.