Бугарија ќе обезбеди воздушен коридор за рускиот претседател Владимир Путин, доколку биде побарано, објави шефот на бугарската дипломатија Георг Георгиев, пренесуваат медиуми
Тој истакна дека кога се прават напори за постигнување мир, и ако условот за ова е да се одржи средба, најлогично е таквата средба да биде помогната со сите можни средства.
Георгиев објасни дека ако еден од учесниците на средбата не може да дојде, Бугарија ќе соработува со обезбедување воздушен коридор.
Рускиот претседател е под санкции наметнати од ЕУ, кои му забрануваат влез на територијата на Унијата. Санкциите исто така им забрануваат на руските владини авиони да ги користат воздушните коридори на земјите од ЕУ.
Затоа, за да стигне до потенцијалната средба во Унгарија, Путин мора да заобиколи голем број региони, што значи речиси невозможна рута за патување.
Затоа Бугарија има важна улога – дали ќе му дозволи на рускиот претседател да помине над бугарскиот воздушен простор, пишува Њуз.бг.