Трочлената група наводно ја започнала измамата така што контактирала луѓе преку телефон, при што другите непознати измамници – маж и жена – се обидувале да изградат приказна… Мажот лажно се претставувал како лекар, а непозната жена „играла“ повреден член на семејството во позадина, а уапсената Бугарка доаѓала кај жртвите дома за да ги земе парите за „операцијата“.
На 26 јуни околу 21 часот во населбата Дубрава, непознатиот маж претходно повикал една од жртвите (88) по телефони лажно ѝ се претставил како лекар, наведувајќи дека член на нејзиното најблиско семејство е тешко повреден и дека за понатамошно лекување, жртвата треба да плати за операцијата. Убедена во вистинитоста на приказната, потоа жртвата ѝ ги предала парите на Бугарката.
Следниот ден, 27 јуни, кратко по 12 часот, во населбата Суседград, контактирале и со втората жртва (80), и таа подоцна ѝ ги предала сите свои пари на „медицинската сестра“ од Бугарија. Потоа, на 29 јуни, по 14 часот во населбата Нови Загреб, ја измамиле на ист начин и третата жртва (89). Полицијата истакнува дека за време на кривична истрага на 29 јуни, ја пронашле осомничената Бугарка во хотел во населбата Трешњевка. Била уапсена, а притоа кај неа биле пронајдени поголемиот дел од парите украдени од стариците.