Регион

Бугарски медиуми: Пратениците речиси се степаа денес во бугарскиот парламент за Изборниот законик (Видео)

Пленарната седница на Народното собрание на Бугарија беше прекината денес, на 29 јануари 2026 година, откако пратениците од „Вазраждане“ и „Алијансата за права и слободи“ (АПС) речиси се пресметаа физички. Тензијата ескалираше за време на дебатите за измените во Изборниот законик, објави бугарската информативна агенција БТА.

1 минута за читање

Бугарските медиуми натаму известуваат: Искрата на конфликтот ја запали Цончо Ганев од говорницата, кој упати остри обвинувања до МРФ и АПС во врска со гласањето во странство. Тој го спомена и името на Христо Иванов во контекст на обвинувањата за воведување на турскиот јазик во бугарските училишта – теза што традиционално се користи за политичка провокација.

Додека заменик-претседателот на Вазраждане зборуваше, Даниел Петров од истата група влезе во жестока расправија со Ахмед Вранчев од АПС. Камерите во салата го забележаа моментот кога пратениците од Алијансата го одведоа својот колега за да спречат удар, додека се чинеа напори да бидат раздвоени завојуваните групи.

Претседателката на парламентот Раја Назарјан беше принудена да прогласи 20-минутна пауза со зборовите: „Ве повикувам да се смирите и да седнете на своите места“, цитирано од БТА.

Инцидентот се случи во контекст на разгледувањето на два клучни закона. Сепак, наместо експертска дебата, пратениците ѝ понудија на јавноста уште една епизода на агресија што ја блокираше работата на институцијата. – објавија денес БТА и бугарските медиуми.

Видео

Поврзани теми:

актуелно|за малку тепачка во бугарскиот парламент

Најнови вести од: Регион

„МКД.мк:“ ЕУ и ОН замрзнаа финансирање проект на Косово, што му оддава „чест“ на албанскиот нацистички соработник Џафер Дева!

„Поранешниот дом на Џафер Дева, министер за внатрешни работи во колаборационистичката влада на Албанија, требаше да биде претворен во културен центар, пишува ЏТА. Но, по бурните реакции во јавноста, Европската Унија и Обединетите нации го замрзнаа финансирањето за проект што требаше да му оддаде ‘почит’ на албанскиот нацистички соработник во Косово Џафер Дева, кој бил министер за внатрешни работи во колаборационистичката влада на Албанија во 1944 година. Дел од неговите должности било регрутирањето косовски Албанци во единици на Вафен-СС, елитната нацистичка формација поврзана со многубројни злосторства, меѓу другите и против Евреи и Срби.“ – пишува информативниот портал „МКД.мк“.

Чадеж: Дури 100 милиони евра дневно е штетата од граничните блокади

Превозниците од земјите од Западен Балкан почнаа да го блокираат патниот транспорт напладне во понеделник на товарните премини со земјите од Шенген зоната поради несоодветната реакција на Европската комисија и земјите од Шенген зоната во врска со третманот на професионалните возачи и ограничувањето на нивниот престој на Шенген територијата за време на секојдневните работни активности.

Бугарскиот вицепремиер Караџов: Големи економски загуби за сите од блокадата на границите со Србија и Македонија

Економските загуби за сите земји, не само за Бугарија, ќе бидат многу големи од блокадата на границите со Србија и Република Македонија, изјави денеска вицепремиерот и министер за транспорт и врски во оставка, Гроздан Караџов, за време на Софискиот економски форум, пренесува БТА.

Србија останува на европскиот пат, рече Вучиќ и членовите на делегацијата на ЕП ги нарече „неважни луѓе“

Претседателот на Србија Александар Вучиќ и лидерката на парламентот Ана Брнабиќ изјавија дека поради претходно планирани обврски, нема да се сретнат со европратениците, особено со известувачот на ЕП, Тонино Пицула, кој е мета на српските власти уште од неговото назначување на оваа позиција поради неговите критички оценки за ставот на Србија кон преземените обврски во процесот на европска интеграција.
Сите вести од Регион

Најнови вести

To top