Регион

(Фото+Видео): Жестоки протести во повеќе српски градови

Повеќето собири почнуваат во 20 часот, а најголемиот се очекува во Ваљево. Таму граѓаните ќе протестираат против, како што велат организаторите, „изживувањата и малтретирањето на полицијата врз сите кои не се согласуваат со режимот на претседателот Александар Вучиќ, вклучително и врз малолетници“.

3 минути за читање

Силно полициско обезбедување, и вечерва се одржуваат масовни протести во повеќе градови низ Србија меѓу кои Белград, Ваљево, Милановац и Книќ. Студентите во блокада во денешните објави на социјалните мрежи, во кои ги најавија протестите и локациите, го напишаа и слоганот – „Србија не може да се смири“.

Жестоко беше вечерва пред седиштето на владејачката Српска напредна партија (СНС) во Ваљево. Таму се собра група од неколку десеттици млади луѓе, дел од нив со качулки на главите и маички врзани преку лицето со што го кријат својот идентитет. Тие почнаа да испукуваат пиротехнички средства кон седиштето на СНС по што се разгоре оган во дел од просториите. Набрзо пристигна противпожарно возило, а пожарникарите со помош на дел од демонстрантите го изгасија огнот.

Искршен е влезот во зградата на Општина Ваљево каде полицијата, која е во полна опрема за разбивање демонстрации, формираше кордон и употреби солзавец.

Како што јави телевизијата „Н1“, неколку стотици граѓани во Милановац вечерва фрлаа тоалетна хартија врз просториите на СНС во тој град. За тоа време, светлата во просториите на СНС биле исклучени, а пред просториите имало само полициски кордон кој не реагирал на овој потег на демонстрантите.

Протестниот марш во Нови Сад, пак, заврши пред канцелариите на СНС чии прозорци се искршени со шишиња и други предмети.

Српските медиуми јавуваат дека полицијата фрлила солзавец и шок бомби, а потоа јуришнала кон демонстрантите кои се собрале на вечерашниот протест во Нов Белград. Демонстрантите се обиделе да стигнат до седиштето на СНС на улицата Џон Кенеди кон кое биле испукани пиротехнички средства. На ова возвратила полицијата.

Инаку, веќе со денови ескалираат протестите ширум Србија. Така беше и вчера на протестите што се одржаа под слоганот „Не сме вреќи за удирање“. Тоа беше одговор на претходната ноќ кога полицијата употреби прекумерна сила против граѓаните. Во вчерашните протести се приведени 38 лица, а шест полицајци и непознат број демонстранти се повредени.

Студентите во блокада, поддржани од граѓани, мирно протестираа девет месеци поради смртта на 16 лица кога се урна стреата на железничката станица во Нови Сад. Но, сега целта на протестите е поинаква – промена на власта.

Нема да има предвремени избори толку брзо, одговори претседателот на Србија, Александар Вучиќ, во интервју за државната телевизија. Тој повтори дека, според него, протестите се управувани однадвор, а демонстрантите ги нарече бандити.

Поврзани теми:

топ

Најнови вести од: Регион

„Политико“: Брисел му нуди на Скопје „добредодојдовте во чекалницата!“, но Муцунски бара „многу понапредна позиција отколку сега“!

„Од Брисел порака: ‘Добредојдовте во чекалната’! Тоа ги вклучува Косово и С.Македонија, обете на распоредот на Урсула фон дер Лаен , заедно со фаворитите Албанија и Црна Гора. По ова предизвикот за Лаен е да ги убеди дека Брисел не создава кандидати за ЕУ втор ред.“ – објави денес европскиот аналитички магазин „Политико“ во својата анализа со наслов „Западниот Балкан надежно ги застапува своите ставови“. Од друга страна, информативната агенција „Нетпрес“ јавува дека „ЕУ нуди ограничен пристап до заедничкиот пазар на земјите-кандидатки, ако се против Русија и Кина“!

Атина и Софија потпишаа Меморандум за враќање на 48 реликвии во Грција и пренесување на останките на цар Самоил во Бугарија

Меморандум за разбирање со кој во Грција се враќаат 48 реликвии од два грчки манастири и од една црква што над 100 години биле изложени во Националниот историски музеј во Софија, а Грција ќе ѝ ги предаде на Бугарија останките на цар Самоил, потпишале денеска министрите за култура на двете земји, Лина Мендони и Евтим Милошев, јави дописничката на МИА од Атина.

Стерјовски на Самитот за мир во Тирана: Нашите идентитети не треба да бидат ѕидови што нè делат, туку мостови што нè поврзуваат“

Претседателот на Македонската алијанса за европска интеграција (МАЕИ), Васил Стерјовски, учествуваше на Меѓународниот самит за мир, што се одржа во Тирана, посветен на темата „За верскиот соживот во Албанија“. Тој истакна дека верскиот соживот претставува една од значајните вредности на албанското општество, која треба да се зачува и да им се пренесе на идните генерации.
Сите вести од Регион

Најнови вести

To top