Регион

Графити „Убиј го Србинот“ и „Марш од Хрватска“ напишани на училишна сала во Сплит

Уште еден инцидент во Хрватска насочен против Србите

1 минута за читање

Уште еден инцидент во Хрватска насочен против Србите. Имено, како што пишува Далмација данас, утрово на зградата на училишна сала во Плоките во Сплит се појавија графити со пораки на омраза насочени кон Србите. На ѕидот беа напишани пораките „Убиј го Србинот“ и „Марш од Хрватска“, заедно со усташката буква „У“.

Хрватските медиуми потсетуваат дека овој, најнов инцидент, се случува по инцидентот што го потресе Сплит во понеделник вечерта, кога група од десетици мажи облечени во црно, упаднаа на манифестацијата Денови на српската култура и насилно го прекинаа настанот во кој учествуваа пензионери и деца. Полицијата уапси пет лица, додека десет лица беа приведени на испрашување.

Поради сериозноста на инцидентот, главниот државен обвинител Иван Турудиќ пристигна во Сплит и одржа состанок со службеници од Сплитско-далматската полициска управа, како и од окружните и општинските државни обвинителства.

„Интензивно работиме, имавме добар состанок со началникот на полицијата, окружното државно обвинителство и вршителот на должноста општинско обвинителство. Засега сметаме дека станува збор за кривично дело, сомнение за сторено кривично дело за кое се гони по службена должност“, рече Турудиќ.

Поврзани теми:

усташи|графити|избор|Хрватска|национализам|Сплит

Повеќе на оваа тема:

Најнови вести од: Регион

Вучиќ и Рама заеднички бараат влез во ЕУ по пат на „делумна интеграција“ и без право на вето!

Српскиот претседател Александар Вучиќ и албанскиот премиер Еди Рама се огласија со заеднички предлог за забрзана интеграција на Србија и Албанија во Европската Унија, но според модел што не нуди веднаш целосни членски права. Во заедничка колумна, објавена во германскиот „Франкфуртер алгемајне цајтунг“, двајцата предлагаат постепено вклучување во единствениот европски пазар и во Шенген како меѓучекор до полноправно членство. Остануваат дилемите колку „делумната интеграција“ е промислен чекор кон ЕУ, или е избрзано прифаќање „членство од втор ред“ за земјите што со години, па и децении чекаат интегрирање во „европското семејство“ но преку полноправно членство. Македонија е веќе 21 година кандидатка за влез во ЕУ.

„Доаѓаме: Група блиска со иранските власти му се заканува на Балканот

хакерската група изјави дека нападите врз институциите во Албанија се извршени за да се казни нивната одлука да ја засолнат иранската опозициска група Моџахедин-е-Калк (MEK), позната и како Народна муџахединска организација на Иран

Македонска Фејсбук-страница го тресе врвот на словенечката влада: „Маски паднаа“ со аудио-разговори

Фејсбук-страница администрирана од Македонија се најде во центарот на голем политички скандал што ги тресе словенечките политички кругови во последните денови

„Не сме ничија марионета“ – Вучиќ за влошените односи со Москва и извозот на муниција во Украина

Српскиот претседател Александар Вучиќ во интервју за германскиот весник „Зидојче Цајтунг“ отворено изрази скептицизам за брзо полноправно членство на Србија во Европската Унија и се залага за модел на „Европа со повеќе брзини“.
Сите вести од Регион

Најнови вести

To top