,,Им благодарам на мојата Македонија и на мојот ментор”, порача вчера Никола Станишиќ кој е победникот на осумнаесеттата сезона на „Звездите на Гранд“.
Никола Станишиќ од Македонија е победник на балканското музичко шоу „Ѕвездите на Гранд“ за 2025 година. Тој ја доби најголема поддршка од публиката на големото финале кое започна вчера, а се одвиваше до рано изутрина.
Никола Станишиќ има 25 години има завршено гимназија, живее во Скопје и веќе настапува со својот бенд и надвор од Македонија.
Неговите интерпретации на македонските песни во „Ѕвездите на Гранд“ ја одушевија публиката но и балканската пејачка ѕвезда Цеца Ражнатовиќ која беше негова менторка низ целото шоу. Таа дури стана и заигра македонско оро, велејќи дека македонската музика ѝ е многу блиска и мила.
Победата со многу емоции и солзи во очите Никола Станишиќ ја прослави на сцена со песната „Бисер балкански“.
Во претпоследната емисија, сите во екипата на Никола беа облечени во македонски народни носии. Свиреа на зурли и на тапани и направија вистинско шоу, вистински спектакл.
Никола во таа прилика се качи на тапаните и ја запеа познатата песна „Ќе ти дојдам вечер“ на Спасен Силјаноски.