Регион

Малцинските “Бугарчиња” не смеат во школо ако не знаат бугарски

Јазична интеграција за деца од малцински групи кои се пред запишување во прво одделение – предлага бугарското Министерството за образование и наука преку Законот за предучилишно и училишно образование, објавуваат медиуми

1 минута за читање

 

Предлогот го објави министерот за образование Красимир Валчев.

При влез во прво одделение, на децата ќе им биде даден „дијагностички тест“ за познавање на јазикот, а доколку немаат потребно знаење, ќе им се препорача да почнат да учат бугарски јазик.

И покрај подготвените мерки за интеграција, Валчев нагласи дека за овие промени да имаат ефект, Механизмот за инклузивно образование мора да продолжи да работи со помош на локалните и државните власти.

„На ист начин, ако дете дојде од странство кое не знае бугарски јазик, ќе започне со 800 часа бугарски јазик пред да му дозволиме да учи на бугарски јазик по сите други предмети, бидејќи тоа нема да биде ефикасно. И ова моментално се случува во бугарскиот образовен систем“, изјави министерот.

Се очекува законот да биде усвоен на есен, најверојатно во ноември. Сепак, треба да се развијат програма, методологии и организација.

„Оптимистичката опција е за една година, следната учебна 2026-2027 година.
Дури и да доцниме, се надевам дека не доцниме премногу, но мора да го направиме ова“, беше категоричен Валчев.

Поврзани теми:

Бугарија|бугарски јазик|училиште|деца на малцинства|прво одделение|топ|избор

Повеќе на оваа тема:

Најнови вести од: Регион

Бугарите на протестите побараа оставка на Радев, нарекувајќи го „измамник“, „кукавица“ и „штетен за Бугарија“, а владата како „неспособна и криминална“!

Бугарската новинска агенција БТА објави: Антивладините демонстранти го блокираа сообраќајот на централните улици во Софија во саботата. На митингот се скандираше: „Оставка“ и „Ова не е Москва“! Граѓаните масовно бараа итна оставка од кабинетот на Радев само еден месец по неговото стапување на должност. На антивладините демонстрации во Софија вчера имаше транспоаренти со порака: „Чичо Румен, оди си со мир!“ „Целата влада на Радев е исткаена од грешки и како луѓе и како политичари. Грешки во надворешната политика, грешки во внатрешната политика, буџетот. Сè е ужасно. Ако Радев остане на власт, претпоставувам дека до зима во Бугарија ќе биде многу, многу лошо!“ – изјави еден демонстрант за Бугарското национално радио.

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.

Политико: Европската Унија планира постепена интеграција на идните членки преку економски бенефиции

Европската комисија работи на план што би им овозможил на земјите-кандидатки за членство во ЕУ пристап до одредени економски придобивки и пред формалниот влез во Унијата, изјавија неколку официјални претставници, објави денеска бриселскиот Политико.

И македонски државјанин дел од разбиен кокаински клан во Албанија

Во акцијата, издадени се налози за апсење на 10 лица, меѓу кои е и Сокол Бибај (43), еден од клучните членови на криминалната структура. Бибај се споменува и во аферата „Двојник“, кога македонските власти издавале македонски пасоши на познати криминалци од регионот и пошироко
Сите вести од Регион

Најнови вести

To top