Повеќе од 40 килограми хашиш со улична вредност од 320.000 евра се пронајдени исфрлени на брегот на плажа на југоисточниот остров Родос, соопштија властите.
Откритието е направено во петокот во Плимири во близина на Линдос, се вели во соопштението на крајбрежната стража, јави Катимерини
Во него се вели дека дрогата била спакувана во затворена корпа од слама и тежела вкупно 42,8 килограми.
Властите на Родос сега ги следат плажите за повеќе пакети хашиш.
Сè уште не е јасно од каде потекнува дрогата пронајдена во Плимири.