Регион

Над 360.000 Косовци со дозволи за престој во ЕУ во последните 10 години

Во последните десет години, повеќе од 360.000 граѓани на Косово добиле дозвола за престој во земјите на Европската унија

1 минута за читање

Во последните десет години, повеќе од 360.000 граѓани на Косово добиле дозвола за престој во земјите на Европската унија, според најновите податоци на Евростат, статистичкиот завод на ЕУ, пренесуваат косовските медиуми. Само во периодот од 2020 до 2024 година, за време на мандатот на премиерот Албин Курти, над 210.000 косовски граѓани добиле државјанство во некоја европска земја.

Во 2024 година, државјанство во ЕУ добиле 38.770 жители на Косово, во 2023 година 48.937, во 2022 година 46.965, а во 2021 година 43.636. Овие податоци не ги опфаќаат оние кои нелегално престојуваат во земјите на ЕУ, ниту пак емигрантите во Велика Британија, САД или Канада. Од 2015 до 2024 година, вкупно 360.000 косовски граѓани првпат добиле дозвола за престој во некоја од земјите членки на Европската унија.

Од српското население на Косово, ситуацијата е особено тешка – според изјавата на Даниела Николиќ, претседателка на собранискиот Одбор за Косово и Метохија, дури 20 проценти од Србите го напуштиле Косово во последната година. Таа како причини ги наведе систематскиот притисок, институционалната дискриминација и безбедносните закани од владата на Албин Курти.

Поврзани теми:

еу|КОсово|миграција|работа во ЕУ

Повеќе на оваа тема:

Најнови вести од: Регион

Спречени 93% од извозот од регионот поради блокирањето на транспортерите, аларм од српското стопанство

По соопштението на претставниците на Европската Унија дека за одредени професии, како што се возачи на камиони, спортисти или уметници, се разгледуваат нови визни правила за престој во Шенген-зоната, транспортерите од Црна Гора и Македонија ги прекинаа блокадите.

Нов скандал во Црна Гора: Избега Милош Меденица, осуден за организиран криминал, син на поранешната претседателка на Врховниот суд

Нов скандал ја стресе Црна Гора. Полицијата, од средата вечерта, е во потрага по Милош Меденица, син на поранешната претседателка на Врховниот суд, Весна Меденица, кој исчезна без трага веднаш откако заедно со својата мајка беше осуден на 10 години затвор. По налог на судот, вчера е распишана локална потерница по него.

Македонија и Црна Гора го прекинаа протестот – Србија и БиХ продолжуваат со блокадите

Протестите и блокадите на товарните превозници од Србија и Босна и Херцеговина продолжуваат во петиот ден, при што се блокирани 22 излезни и 19 влезни теретни терминали на граничните премини кон Шенген-зоната.

Бугарски медиуми: Пратениците речиси се степаа денес во бугарскиот парламент за Изборниот законик (Видео)

Пленарната седница на Народното собрание на Бугарија беше прекината денес, на 29 јануари 2026 година, откако пратениците од „Вазраждане“ и „Алијансата за права и слободи“ (АПС) речиси се пресметаа физички. Тензијата ескалираше за време на дебатите за измените во Изборниот законик, објави бугарската информативна агенција БТА.

МАЕИ ја тужи албанската влада, поради одлуката за отворање центри за мигранти во Пустец и за загрозување на интересите на Македонците

Партијата на Македонците во Албанија тврди дека одлуката е донесена без консултација со локалните власти и без јавна расправа.
Сите вести од Регион

Најнови вести

To top