Високиот комесар Николај Кожухаров, директор на Регионалната дирекција на Министерството за внатрешни работи на Бугарија во Русе, бил претепан пред очите на неговата сопруга и нивното малолетно дете.
Неговата состојба е сè уште сериозна, но животот му е надвор од опасност, уверија лекарите.
Како последица од тепањето, тој изгубил 1,5 литри крв и бил подложен на операција што му го спасила животот, а со која лекарите му го спасиле едниот бубрег. Неговото закрепнување ќе трае два месеца.
Кожухаров беше претепан вчераутро пред својот дом откако им упатил забелешка на млади мажи кои се движеле со своите автомобили. Тие беа идентификувани и приведени.
Тројца од нив имаат 19 години, а четвртиот 15 и немаат претходно криминално досие.
Во случајот се поднесени две обвиненија.