Српскиот претседател Александар Вучиќ се осврна на посетата на украинскиот колега Володимир Зеленски, велејќи дека таа е добра за интересите на Србија, не само затоа што Зеленски во Белград ја потврди позицијата на Украина за почитување на територијалниот интегритет на Србија, туку и поради позицијата на Србија како целина.
Замолен да ги коментира наводите во германските медиуми дека било храбро да се биде домаќин на Зеленски во Белград, Вучиќ рече дека не смета дека е храбро, но дека верува оти е важно секогаш да се води од интересите на Србија.
„Можам да сакам, можам да почитувам некое друго знаме, нема проблем, но мојата работа е да се борам за српското тробојно знаме. А за мене, нема ништо посвето и поважно. Направивме добра работа за Србија, ќе продолжиме да правиме добра работа за Србија“, рече Вучиќ.