Два дена по дебаклот во Кардиф се огласи капитенот на фудбалската репрезентација на Македонија, Енис Барди, спојувајќи ги поразот од 7:1 против Велс на крајот од квалификациите за Светското првенство 2026 и баражот во март, кога тој и соиграчите од националнио тим ќе ѝ гостуваат на Данска.
„Тежок пораз, оној што ти ја гори душата!
Велс нè удри силно. Болка, разочарување да. Но ова не е крај!
Сè уште сме во плејофот во март. Сè уште сме живи.
Овој пораз треба да нè запали, а не да нè изгаси. Да се вратиме погладни, поагресивни, поцврсти!
Ние не се предаваме. Никогаш“, порача на Инстаграм третиот стрелец на вечната листа на македонската репрезентација со 20 гола.