Малата, но одбрана чета навивачи на ракометната репрезентација на Македонија на 17. Европско првенство во Данска, Шведска и Норвешка не ја остави рамнодушна ниту Европската ракометна федерација, која им се поклони на социјалните мрежи.
„Македонската фаланга“ на трибините од арената „Јиске банк боксен“ во Хернинг остави белег врз групата Б од прелиминарната фаза на ЕП, во која „црвено-жолтите“ ја совладаа Романија со 24:23, ремизираа 29:29 со Португалија и загубија од Данска со 36:24.