Фудбалската федерација на Македонија ги претстави новите дресови на македонската репрезентација од реномираниот производител на спортска опрема „Адидас“.
„Новиот дизајн е специјално персонализиран за нашиот национален тим, во тесна соработка помеѓу ФФМ и ‘Адидас’. Дресовите на македонската репрезентација комбинираат современ изглед и врвни материјали, обезбедувајќи максимална удобност и функционалност на теренот. Со новиот изглед, нашите национални тимови ќе настапуваат на следните натпревари, носејќи симболика што ја претставува гордоста и единството на нашата земја“, соопшти ФФМ.
Најдобрите македонски фудбалери првпат со новата опрема ќе настапат во пријателскиот натпревар со учесникот на Светското првенство, Босна и Херцеговина, на 29 мај од 20:45 часот на стадионот „Асим Ферхатовиќ-Хасе“ во Сараево.