По завршувањето на групната фаза од квалификациите за Светското првенство 2026 во САД, Мексико и Канада фудбалската репрезентација на Македонија ги дозна можните противници во полуфиналето од баражот – Италија, Турција, Данска и Украина.
Наведениот квартет ќе го сочинува првиот сад во ждрепката во четврток од 13 часот, во вториот ќе бидат Полска, Велс, Чешка и Словачка, во третиот Република Ирска, Албанија, Босна и Херцеговина и Косово, а покрај Македонија од четвртиот ќе бидат извлечени Шведска, Романија и Северна Ирска.
Како и во баражот за претходното СП 2022 во Катар, кога прво ја елиминираа Италија со 1:0 во Палермо, па загубија од Португалија со 2:0 во Порто, „црвено-жолтите“ ќе играат на гостински терен.
Термините за баражот се 26 и 31 март 2026 година, а мундијалот ќе се одржи од 11 јуни до 19 јули 2026.