Селекторот на фудбалската репрезентација на Македонија, Благоја Милевски, не го крие задоволството од наполнетата мрежа на аутсајдерот Лихтенштајн, кој неговите избраници го торпедираа со 5:0 и се вратија на врот во квалификациската група Ј за Светското првенство 2026 во САД, Канада и Мексико.
„Задоволен сум од резултатите и од моменталниот пласман на табелата, но не застануваме тука, уживавме во секој натпревар и ќе уживаме и понатаму. Резултатите ме прават горд, но на крајот на денот никој не може да ни го одземе правото да сонуваме пласман на Светското првенство“, изјави Милевски на прес-конференцијата по мечот по кој Македонија е прва со 11 бода, еден повеќе од Велс.
Во продолжението од квалификациите „црвено-жолтите“ прво на 10 октомври ќе му гостуваат на најголемиот фаворит Белгија, а три дена подоцна ќе го пречекаат Казахстан.
Македонија најблиску до планетарниот шампионат беше во квалификациите за СП 2022 во Катар, кога во баражот го нокаутира четирикратниот светски првак Италија со1:0 во Пелермо, а потоа во решавачкиот дуел загуби од Португалија со 2:0 во Порто.