Увертира на натпреварот од висок ризик во Тирана меѓу фудбалските репрезентации на Албанија и на Србија во квалификациите за Светското првенство 2026 беше кинењето на српското знаме од домашните навивачи, за што реагираше српската амбасада со остра осуда.
Тензичниот дуел заврши без голови, Албанија на истекот од првото полувреме не искористи пенал, а српските фудбалери во три наврата се жалеа кај италијанскиот судија дека се погодени в глава од албанските фанови на трибините.