Македонската фудбалска легенда Дарко Панчев за српскиот дневен спортски лист „Спорт“ ги коментираше шансите на Македонија првпат во историјата да се пласира на Светско првенство.
„Македонија ќе игра во баражот, по добрите резултати во досегашните натпревари. Има реални шанси да биде втора во групата со Белгија и со Велс, така што Македонија има добар континуитет во последните седум-осум години. Секако, би било убаво да продолжи така, како и првпат да се пласира и на Светско првенство, бидејќи има објективни шанси за тоа. Тоа би било феноменално, дај Боже тоа и да се случи“, изјави најдобриот македонски фудбалер на 20. век и поранешен капитен на репрезентацијата на Македонија.