Фудбалерите на Шкендија загубија со 4:1 од Лудогорец по продолженијата од баражот за Европската лига, па ќе продолжат во групната фаза од Конференциската лига на УЕФА.
Фабрис Тамба со голот во 64. минута избори вкупни 3:3 против бугарскиот првак и дополнителни 2х15 минути, во кои македонскиот шампион не успеа да го повтори успехот на Вардар од сезоната 2017/2018, кога стана првата и засега единствена екипа од Македонија што играла во групите од второто клупско натпреварување по ранг во Европа.
Погодоците на Бернхард Текпетеј во 98. минута и на Ерик Биле во втората минута од судиското продолжение директно му кумуваа на третиот неуспех на тетовските „црвено-црни“ во плејофот од Европската лига по тие против Милан во сезоната 2017/2018 и Розенборг во 2018/2019.
Првите два гола за домаќинот во Разград ги постигнаа Едвин Куртулус во 9. минута и Ивајло Чочев во 24. минута.