Свет

Американците се враќаат на Месечината

НАСА ги објави имињата 10 нови кандидати за астронаути, избрани од 8.000, кои ќе се приклучат на нејзините редови во клучен момент додека агенцијата се подготвува да се врати на Месечината како и за првата човечка мисија на Марс

 

Новата класа се состои од шест жени и четири мажи, а вршителот на должноста администратор на НАСА, Шон Дафи, ги нарече „најдобрите и најпаметните во Америка“ пренесува CNN.

„Се враќаме на Месечината… И само ќе ви кажам ова, ќе бидам проклет ако Кинезите ја победат НАСА или ја победат Америка на Месечината“, рече Дафи. .

Десетте нови астронаути ќе ги поминат следните две години во интензивна обука. „Тие ќе ја научат историјата на НАСА и нашата визија за иднината, ќе посетуваат часови по геологија и преживување во вода и здравје во вселената“, рече Стивен Кернер, заменик-директор на вселенскиот центар „Џонсон“ на НАСА.

Норман Најт, директор на летачките операции на НАСА, рече дека многу од новите кандидати ќе имаат можност да ја посетат Меѓународната вселенска станица(МВС) , но нагласи дека станицата служи како лабораторија за учење за потешки мисии подлабоко во вселената.
„Секоја лекција научена на станицата го отвори патот за тоа каде одиме: до Месечината – овој пат за да останеме – и до Марс“, рече тој.

Иако поискусните астронаути веројатно ќе бидат избрани за првите мисии на Месечината, како што е мисијата „Артемис II“ планирана за следната година, НАСА се надева дека оваа млада група астронаути би можела да се квалификува за подоцнежните летови во програмата „Артемис“, а можеби дури и за патување до Марс, каде што ниту еден човек досега не патувал.

Најнови вести од: Свет

Нов удар од Вашингтон: Санкции врз две третини од руската нафта за итен прекин на огнот

Министерството за финансии на Соединетите Американски Држави објави нови, сеопфатни санкции против двете најголеми руски нафтени компании – „Роснефт“ и „Лукоил“ – во рамките на интензивираната стратегија за поголем притисок врз Москва, со цел да се поттикнат сериозни мировни преговори за завршување на војната во Украина.

Судот во Белгија ја отфрли тужбата против Фон дер Лајен за Ковид вакцините

Врховниот суд на Белгија ја прогласи за недопуштена кривичната тужба против претседателката на Европската комисија, Урсула фон дер Лајен, поврзана со набавката на вакцини против Ковид-19 од американската компанија „Фајзер“

To top