Патнички авион на „Ер Индија“ што леташе од индискиот град Ахмедабад до аеродромот Гетвик во Лондон се урна кратко по полетувањето во четврток. Во авионот имало 242 лица – 217 возрасни и 11 деца.
Министерот за здравство на Индија потврди дека имало „многу жртви“, но бројот на жртви сè уште не е целосно утврден, објави Ројтерс.
Несреќата се случила во цивилна област во близина на аеродромот, при што авионот удрил во зграда што се користи како дом за лекари. „Околу 70-80% од областа сега е исчистена“, изјави висок полициски службеник.
Според податоците од платформата Flightradar24, урнатиот авион бил „Боинг 787-8 Дримлајнер“ со регистрација VT-ANB – еден од најмодерните патнички авиони во употреба. Авионот полетал во 13:39 часот по локално време (11:29 часот источно време) од пистата 23 на аеродромот Ахмедабад и упатил повик „Мејдеј“ неколку секунди по полетувањето. Контактот со него беше изгубен кратко потоа.
Националностите на патниците беа следниве: 169 Индијци, 53 Британци, 7 Португалци и 1 Канаѓанец, соопшти авиокомпанијата.