Свет

Автобус слета во бездна – десетици загинати и повредени (ВИДЕО)

Најмалку 37 патници загинаа во Перу откако автобус падна во клисура длабока 200 метри по судар со друго возило.

1 минута за читање

 

Несреќата се случила во раните утрински часови во среда на „тешка“ делница од Панамериканскиот автопат, кој ги поврзува Перу и Чиле, во јужниот регион Арекипа, објави Би-Би-Си.

Според локалните медиуми, во автобусот имало 60 патници. Возилото се судрило со пикап на кривина, потоа скршнало од патот и паднало до брегот на реката Окоња.

Автобуските несреќи се чести во Перу, особено ноќе и на планински патишта. Причините често се лоши услови на патиштата, прекумерна брзина и недостаток на сигнализација.

Двајцата возачи наводно ја преживеале несреќата, која се случила на 780-тиот километар од јужниот дел на Панамериканскиот автопат.

Фотографиите од местото на настанот го покажуваат автобусот целосно уништен на дното на стрмна клисура, со скршени прозорци, смачкани труп и покрив.

Поврзани теми:

избор|автобус|несреќа|бездна|Перу|37 загинати

Повеќе на оваа тема:

Најнови вести од: Свет

Европскиот парламент го суспендираше трговскиот договор меѓу ЕУ и САД

Европскиот парламент го суспендираше трговскиот договор ЕУ – САД по одлуката на Врховниот суд на САД и новите царини најавени од Доналд Трамп. Брисел бара правна јасност и гаранции. Преговарачите на Европскиот парламент утрово покренаа постапка за суспензија на трговскиот договор меѓу Европската унија и Соединетите Американски Држави, откако одлуката на Врховниот суд на САД ја доведе во прашање правната основа на договорот од 2025 година.

Новиот систем за влез и излез од шенген-зоната голем удар за туристичката сезона! – Проверката на пасошите ќе трае и до 4 часа!

Системот во сите земји-членки на ЕУ треба да биде целосно оперативен до април, меѓутоа, некои земји доцнат, а причината се технички проблеми и недостиг на човечки персонал. Поради проблеми со новиот систем за влез и излез од Европската Унија (ЕЕС), патниците на европските аеродроми летово одморот би можеле да им го расипат долги редиците и чекањата на пасошка контрола, пишува денес германскиот „Ханделсблат“.
Сите вести од Свет

Најнови вести

To top