Идентитетот на новиот папа е откриен. Тоа е Роберт Франсис Превост.
Тој го земал името Лав XIV.
Тој е Американец роден во 1955 година, а годинава полни 70 години.
Поголемиот дел од својот свештенички живот го поминал надвор од Соединетите Американски Држави, претежно во Перу, каде што бил пастор, професор, едукатор и епископ. Ова го прави еден од ретките американски кардинали со длабоко искуство во Латинска Америка.
Изборот на новиот папа се одржа на првиот целосен ден од гласањето од страна на 133-те кардинални електори.
Тој сега ќе го одржи своето прво јавно обраќање и благослов пред насобраните толпи на плоштадот „Свети Петар“.
Фактот дека на кардиналите им беа потребни само четири гласања за да изберат нов папа е „јасен знак за единството на Црквата“, изјави кардиналот Џузепе Версалди за продуцентката на „Our Europe“, Симоне Багливо, која е во Ватикан.
81-годишникот додаде: „Новиот папа беше избран дури и побрзо од неговиот претходник!“
Да се напомене тука дека папата Франциск беше избран во рок од два дена во 2013 година, а на кардиналите им беа потребни пет круга гласање за да го изберат, објави Скај Њуз.